Qazaqstan musylmandary dinı basqarmasy qyzmetiniń basty tórt baǵytynyń biri qaıyrymdylyq ekeni belgili. Osyǵan oraı QMDB janyndaǵy "Zeket" korporatıvtik qory qurban shalý rásimin uıymdastyryp, etin taratýǵa kirisip ketti, dep habarlaıdy Egemen.kz
Nur-Sultan qalasynyń Ortalyq klınıkalyq gospıtalinde COVID-19 dıagnozymen emdelip jatqan naýqastar men olardy emdeýshi dárigerler etten aýyz tıip, shıpa bolsyn degen nıette 20 paket jáne eriktiler arqyly medısına qyzmetkerlerine 25 paket tabystaldy.
"Kúlli musylmandar asyǵa kútetin Ulyq mereke Qurban Aıt ta bastalyp ketti. Osyndaı merekede aınalamyzdaǵy adamdarǵa qýanysh syılaýǵa asyǵý kerek. Qasıetti Qurban aıt qutty bolsyn! Aıttan aıtqa aman-esen jetýimizdi násip etsin!", dedi "Zeket" qorynyń dırektory Talǵat Omarov.