Densaýlyq saqtaý mınıstri Alekseı Soı qoǵamdyq oryndarda maska taǵýdy mindetteıtin buıryqqa ózgeris engizdi. Endi bul ereje balalar úshin jáne ashyq aýada jattyǵý jasaıtyndar úshin mindetti emes, - dep habarlaıdy Egemen.kz
"Sanıtarııalyq-epıdemııaǵa qarsy jáne sanıtarııalyq-profılaktıkalyq is-sharalardy uıymdastyrý men júrgizýdiń keıbir máseleleri týraly" mınıstrdiń 2020 jylǵy 5 shildedegi buıryǵyna ózgerister engizildi.
10-tarmaqtyń 7) jáne 9) tarmaqshalary mynadaı redaksııada jazylsyn:
7) qoǵamdyq oryndarda, halyqtyń kelýine, qyzmet kórsetýine jáne demalýyna arnalǵan nysandarda, qoǵamdyq kólikte, bes jasqa deıingi balalardy jáne sondaı-aq áleýmettik qashyqtyqty saqtaı otyryp qoǵamdyq tamaqtaný oryndaryn qospaǵanda medısınalyq nemese mata maskalaryn taǵý mindetti,
9) qoǵamdyq oryndarda ashyq aýada medısınalyq nemese mata maskalaryn taǵý mindetti, buǵan bes jasqa deıingi balalardy qospaǵanda áleýmettik qashyqtyqty saqtaı otyryp, bes adamnan aspaıtyn jeke, top boıynsha sportpen aınalysatyn adamdar kirmeıdi delingen jańartylǵan qujatta.