Birinshi jartyjyldyqta Qazaqstanda 6 iri sút fermasy iske qosyldy, jyl sońyna deıin taǵy 16 STF paıdalanýǵa beriledi dep josparlanyp otyr, dep habarlaıdy AShM baspasóz qyzmeti.
Buǵan deıin habarlaǵanymyzdaı, Qazaqstan Respýblıkasy Aýyl sharýashylyǵy mınıstrliginiń aldyna sút ónimderinen ımportty almastyrý boıynsha úlken mindet qoıylǵan. Osy jospardyń aıasynda Aýyl sharýashylyǵy mınıstrligi jyl saıyn 25 ónerkásiptik sút fermasyn paıdalanýǵa berý boıynsha belsendi jumys júrgizýde.
Aǵymdaǵy jyldyń alǵashqy alty aıynyń qorytyndysy boıynsha 3810 bas IQM-ǵa arnalǵan 6 sút fermasy iske qosyldy. Olardyń beseýi Almaty oblysynda ornalasqan: "Aksýt LLC" JShS STF jáne "Fırma Aprel", "Almaty" Plemzavod, "Qarabasova" jáne Sadyhan ShQ.
Sonymen qatar, Túrkistan oblysynda sút taýarlary fermasyn keńeıtý jobasy aıasynda 1600 basqa arnalǵan «Qazyna jer» JShS ashyldy.
Sondaı-aq, Aýyl sharýashylyǵy mınıstrliginiń bastamasy boıynsha Indýstrııa jáne ınfraqurylymdyq damý mınıstrligi STF qurylysy jobalaryna saraptama júrgizý rásimin jeńildetkenin atap ótken jón.
Iri qara maldar sany 1500-ge deıin (qosa alǵanda) sút óndirýge arnalǵan mal sharýashylyǵy keshenderin II (qalypty) jaýapkershilik deńgeıine jatatyn ǵımarattar men qurylystardy tehnıkalyq jáne (nemese) tehnologııalyq turǵydan kúrdeli nysandarǵa jatqyzýdyń jalpy tártibin aıqyndaý qaǵıdalaryna túzetýler engizildi.
Bul memlekettik monopolııaǵa qatysty keshendi vedomstvolyq emes saraptamadan ótý mindettemesin joqqa shyǵarady. Osylaısha, jobanyń tapsyrys berýshilerine (fermerlerine) kez-kelgen akkredıttelgen saraptamalyq uıymdy TEN nemese jobalyq-smetalyq saraptama júrgizý úshin tańdaýǵa múmkindik beriledi. Bul prosesterdi jedeldetýge jáne qurylysqa qajetti qujattardy daıyndaý shyǵyndaryn azaıtýǵa múmkindik beredi.
Esterińizge salsaq, buǵan deıin fermerler keshendi vedomstvodan tys saraptamadan ótken kezde mal sharýashylyǵy jobalaryn iske asyrýdyń quny men qymbattaýy týraly birneshe ret shaǵymdanǵan bolatyn.