Qoǵamdyq qaýipsizdik qamtamasyz etildi jáne sanıtarlyq-epıdemııalyq qaýipsizdiktiń barlyq sharalary saqtaldy. Bul týraly elorda ákimdiginiń resmı saıtyna silteme jasaı otyryp Egemen.kz habarlaıdy.
Nur-Sultan qalalyq Din isteri basqarmasynyń habarlaýynsha, Qurban aıt merekesi kezinde 500 erikti jáne 200 avto-eriktilerdiń kómegimen 5000-ǵa jýyq otbasy qurban etimen qamtyldy.
Qurbandyq etin taratý barysynda qoǵamdyq qaýipsizdik qamtamasyz etilip, sanıtarlyq-epıdemııalyq qaýipsizdik erejelerin todyqtaı saqtaldy. Qoǵamdyq qaýipsizdikti jáne adamdardyń kóp mólsherde jınalmaýyn qamtamasyz etý maqsatynda qala aýmaǵynda ornalasqan dástúrli qurban shalý oryndary (bazarlar, sharýa qojalyqtary) jabyq boldy.
Osy oraıda, alǵash ret qashyqtan qurban shalýdy uıymdastyrý maqsatynda "qurban2020.kz" saıty iske qosyldy. Qurbandyqqa soıylǵan et túgeldeı áleýmettik kómekke muqtaj otbasylaryna úlestirildi. Bıyl Qurban aıt merekesi 31 shilde men 2 tamyz aralyǵynda ótti.