AQSh prezıdentiniń ulttyq qaýipsizdik jónindegi keńesshisi Robert O’Braıen The Washington Post-taǵy maqalasynda Máskeý men Vashıngton arasyndaǵy dostyq qarym-qatynas ornasa, bul eki el ǵana emes, búkil álem úshin de tıimdi bolatynyn málimdedi. Osy aqparatty RBK taratty.
Keńesshiniń sózinshe, Ronald Reıgan zamanynan beri eshbir prezıdent Máskeýge qatysty dál Tramptaı batyl sheshimderge bara alǵan joq."Prezıdent Tramp Reıgan sekildi Reseımen dostasýdyń joldaryn izdeýde. Bul jol Reseıdiń shet elderdegi agressııadan tartynyp, AQSh pen Eýropa úshin dostyq áriptestikke kelýin qarastyrady" dep málimdedi O’Braıen.Mundaı jaǵdaıda eki el arasyndaǵy saýda órken jaıyp, Máskeýge qarsy qoldanylyp otyrǵan sanksııalar qajetsiz bolyp qalar edi dep esepteıdi ol.Onyń sózinshe, Vashıngton qazirgi shekteý sharalaryn "Reseıdiń Qurama Shtattar men onyń odaqtastaryna qater tóndiretin áreketterin eskere otyryp" engizgen. Reseı ondaı áreketterden bas tartyp, dostyq qarym-qatynasqa keletin bolsa, ol shekteýler qajet te bolmas edi.