Aıtylǵan eskertýdi eler emes

Jaqynda Ertis ózeniniń Syn­tas aýylynan bes shaqyrym jer­degi jaǵalaýynda otbasymen bir­ge demalýǵa kelgen ákesi men uly sýǵa batyp ketti. Jergilikti turǵyndar 1998 jyly týǵan jigittiń denesin sýdan alyp shyq­ty. Oqıǵa ornyna kelgen «О́rt sóndirý jáne avarııalyq-qut­qarý jumystary qyzmeti» MM jedel-qutqarý ja­saǵynyń súńgýirler toby 1973 jyly týǵan otaǵasyn izdeý jumys­taryn áli jalǵastyryp jatyr. Onyń de­nesi búgingi kúnge deıin tabylmady.

Pavlodar oblysynyń Tóten­she jaǵdaılar departamenti aı­maq turǵyndary men qonaqtary­na oblystyń bas memlekettik sa­nı­­tarlyq dárigeri Batyrbek Álıev­­tiń №8 qaýlysynyń 10-tar­ma­ǵyna sáıkes óńirdiń qo­ǵam­dyq jaǵa­jaı­larynyń qyz­metine tyıy­m salyn­ǵanyn eske salady.

О́tken táýliktiń ishinde de­partament bólimsheleri ob­lys­tyń sý aıdyndarynda 25 reıd júr­gizgen. 18 mamyrdan beri de­partament qyzmetkerleri jer­­­­­gilikti atqarýshy organdar, jer­­­­gilikti polısııa qyzmeti jáne qoǵamdyq uıymdardyń ókil­de­ri­men birlesip, barlyǵy 1682 reıd ótkizdi. Reıd barysynda olar shomylý kezeńindegi qa­ýip­­­­siz­dik erejeleri boıyn­sha 12 myń­nan astam jadyna­ma taratty. Qazaqstan Res­pýb­lıkasy­nyń «Ákim­shilik qu­qyq buzýshylyq­tar týraly» ko­dek­siniń 440-baby boıynsha 29 adam qoǵamdyq oryndar­da alkogoldik ishim­dik­ter ish­ke­ni úshin ákimshilik jaýap­­ker­shilikke tartyldy, 225 adam 364-bapty buzyp, tyıym sa­lyn­ǵan jerlerde shomylǵan.