Soltústik Qazaqstannyń Ákimshilik polısııa basqarmasy qyzmetkerleri jylyna eki ret avtomobıl joldaryna, kóshe-jol toraptaryna jáne qurylystaryna keshendi tekserý júrgizedi, dep jazady Egemen.kz
Jol jáne tehnıkalyq ınspeksııa bóliminiń mamandarymen avtojoldardyń tehnıkalyq jaǵdaıy, jol ınfraqurylymdarynyń erejeler men standarttarǵa sáıkestiligi, jańǵyrtý jumystary júrgizilip jatqan joldardan basqa respýblıkalyq mańyzy bar tas joldar ınspeksııalanady.
Jýyrda bolǵan sondaı tekseris barysynda 1716 jol belgileri men baǵyttyq kórsetkishterdi ornatý jáne aýystyrý, sondaı-aq 18 avtobýs aıaldamasy men turaqtardy jóndeý qajettiligi anyqtaldy. Joldy jáne jol qurylystaryn kútip-ustaýdyń 1000-nan astam kemshiligi anyqtalyp, 13 laýazymdyq tulǵa jaýapkershilikke tartyldy.
Sondaı-aq 26 kópir men jol symdaryn tekserý kezinde 71 aqaý anyqtaldy. Tekseris nátıjesi boıynsha barlyq múddeli organdarǵa jol júrisin uıymdastyrýdy jaqsartý boıynsha usynymdar joldandy.
Oblys ortalyǵyndaǵy jol-kóshe toraby da jóndeýdi qajet etedi. Onyń ishindegi ózektisi – Ǵ.Músirepov jáne Indýstrıal kósheleriniń qıylysyna baǵdarsham obektilerin ornatý. Qazir bul jerde jańa shaǵyn aýdandardyń damýyna baılanysty kólik jáne jaıaý júrginshiler legi edáýir artqan. Kólik qozǵalysy kóp tórt kóshe qıylysyn bosatý úshin olardy oń jaqqa burylatyn joldarmen jabdyqtaý usynyldy.
Sondaı-aq qala shetindegi kóshelerdiń apattyq qaýipti ýchaskelerin jaryqtandyrý, jańa turǵyn úıdi josparlaý jáne salý kezinde kólik turaqtaryn qarastyrý usynyldy.
Soltústik Qazaqstan oblysy