Qostanaı oblysynda 500 shaqyrym jol jóndeledi, dep habarlaıdy Egemen.kz
Aımaqta "Nurly jol" memlekettik baǵdarlamasy sheńberinde jalpy quny 18,8 mlrd teńge bolatyn 37 jobany júzege asyrý josparlanǵan.
Sonyń 20-sy bıyl jyl sońyna deıin aıaqtalýy tıis. Qalǵany aldaǵy jyly jalǵasady. Baǵdarlamanyń oryndalý barysy oblys ákimdiginde talqylandy.
Jıynda jolaýshylar kóligi jáne avtomobıl joldary basqarmasynyń basshysy Oljas Nurǵalıevtiń baıandamasy tyńdaldy.
"Búginge deıin 291 shaqyrym asfaltbeton jabynyn frezerleý jumysy atqaryldy. Sondaı-aq, eski qyrtysqa jańa materıal aralastyra otyryp qaıta óńdeý arqyly - 239 shaqyrym jol jóndelip, 194 shaqyrym jolǵa betondyasfalt jabyny tóseldi. Bul joldardayń boıyndaǵy 38 sý ótkizý qubyry aýystyryldy", dedi O.Nurǵalıev.
Oblysta respýblıkalyq mańyzy bar avtokólik joldaryn jóndeýge 15,5 mlrd teńge bólingen. Bul 2019 jylǵa qaraǵanda 2 ese kóp. Bıyl aımaqtaǵy respýblıkalyq mańyzy bar jol kútimine 1,7 mlrd teńge bólindi. Basqarma basshysynyń aıtýynsha, 6 aı ishinde bul qarjynyń 72%-y ıgerilgen.
Jıyn sońynda oblys ákimi Arhımed Muhambetov jaýapty basqarma basshylaryna avtokólik joldaryndaǵy qurylys-montaj jumystaryn belgilengen merzimde tolyq aıaqtaýdy tapsyrdy.