QARAJAT QAJET

2 myńnan astam turǵyny bar Ońtústik Qazaqstan oblysynyń Tólebı aýdanyna qarasty Kene­saryq aýylynda kúni búginge deıin mádenıet úıi, balabaqsha, monsha, poshta jáne baılanys bólimsheleri men jelileri joq. Sondyqtan da jastar qaıda bararlaryn bilmeıdi. Osy sebepti olardyń arasynda qylmys jasaýshylardyń, ishimdikke salynýshylar men nashaqorlyqpen aınalysýshylardyń katary jyl­dan jylǵa kóbeıip keledi. Bul aýylda zeınetaqy men áleý­mettik tólemderdi aýdannan arnaıy adamdar kelip taratady, kóp jaǵdaı­da alyp kelgen aqsha jetpeı qalyp, kóptegen aýyl turǵyndary 30 shaqy­rym jerdegi aýdan ortalyǵyna barý­ǵa májbúr bolatyn kezder de kezdesedi. Balabaqshany, poshta men baı­la­nys bólimshesin burynǵy eski mek­teptiń ishinde ornalastyrýǵa bolady, biraq ony jóndeýge 10 mıllıon­nan astam teńge qajet. Aýyl­dy telefon­dandyrý úshin sym­jelisiz telefon stansasyn qoıý kerek. Al mádenıet úıi men monsha­ny salý úshin, jobalyq-smetalyq qujattar­dy daıyndaýǵa qarajat qajet. Osy máseleni jergilikti bıýdjet sheshe almaıdy. Oblystyq bıýdjet­tiń qaltasyna da aýyr soǵatyny anyq. Sondyqtan bul áleýmettik mańyzy zor problema Úkimet deń­geıin­de sheshimin tapsa jón bolar edi. Erjan ISAQULOV, Májilis depýtaty.