Keshe Lıvan astanasy Beırýt portta bolǵan eki jarylys saldarynan 78 adam qaza taýyp, 4 myńnan astam adam jaraqat aldy. Bıliktiń resmı habarlaýynsha, ammonıı nıtratynyń úlken partııasy (ammıak selıtrasy) portta qaýipsizdik sharalarynsyz uzaq saqtalǵannan keıin jarylǵan. Bul týraly VVS agenttigi habarlady, - dep jazady Egemen.kz
Jarylystyń joıqyn bolǵany sonshalyq, ol Beırýttan 240 shaqyrym jerde ornalasqan Jerorta teńiziniń Kıpr aralyna da estilgen. Lıvan Qyzyl Kresti Beırýttaǵy aýrýhanalardyń adamǵa tolyp ketkenin habarlady.
Lıvan prezıdenti Mıshel Aýn elde úsh kúnge sozylatyn aza tutý kúnin jarııalady. Sondaı-aq oqıǵanyń saldaryn joıý úshin 100 mıllıard lıra (66 mıllıon AQSh dollary) bólýge ýáde berdi. Beırýt apat aımaǵy dep jarııalandy. Bılik áskerdi qaýipsizdik úshin paıdalaný quqyǵyn aldy.