Ony Elbasy atymen ataýǵa usynys jasaldy
Astanaǵa áıgili amerıkalyq ekonomıst, «Úshinshi ındýstrııalyq revolıýsııa» eńbeginiń avtory Djeremı Rıfkın keldi. Ol memlekettik organdar men ulttyq kompanııalardyń, sondaı-aq, iskerlik qurylymdardyń basshylaryna arnalǵan semınar ótkizdi. Oǵan Premer-Mınıstr Serik Ahmetov bastaǵan birqatar mınıstrler qatysty.
Ony Elbasy atymen ataýǵa usynys jasaldy
Astanaǵa áıgili amerıkalyq ekonomıst, «Úshinshi ındýstrııalyq revolıýsııa» eńbeginiń avtory Djeremı Rıfkın keldi. Ol memlekettik organdar men ulttyq kompanııalardyń, sondaı-aq, iskerlik qurylymdardyń basshylaryna arnalǵan semınar ótkizdi. Oǵan Premer-Mınıstr Serik Ahmetov bastaǵan birqatar mınıstrler qatysty.
Munymen qatar, semınarǵa ulttyq kompanııalardyń jetekshileri, eldegi sheteldik kompanııalardyń basshylary men túrli salanyń ókilderi de keldi. Semınar 2 saǵatqa ulasty. Ekonomıkalyq trendterdi zertteý qorynyń prezıdenti, joǵaryda atalǵan eńbekpen qatar «Empatıkalyq órkenıet», «Eýropalyq arman», «Sýtegilik ekonomıka», «Bıotehnologııalar ǵasyry» jáne «Jumys sońy» atty adamzat ómirine qajetti eńbekter jazǵan Rıfkın bul joly «Úshinshi ındýstrııalyq revolıýsııa» jóninde baıandady. Ol álemdegi energııa máselelerine toqtalyp, barlyq elderdi kómir sýteginen qýat kózin óndirýdi birtindep shektep, Germanııa sııaqty kezeń-kezeńimen «jasyl ekonomıka» men «jasyl» energııaǵa kóshýge shaqyrdy. Sóıtip, aqyldy energııaǵa kóshýdiń túrli joldaryn usyndy. Eger adamzat qorshaǵan ortany budan artyq lastaı beretin bolsa, keleshekte orny tolmas apattar oryn alýy yqtımal ekenin de tilge aldy.
Doktor Rıfkın Qazaqstan halqyn 2017 jyly elimizde ótetin EKSPO kórmesin ótkizý baıqaýyn jeńip alýymen quttyqtady. Sonymen qatar, kórme taqyryby búkil álem halqynyń jańa dáýirge, ıaǵnı «jasyl energııaǵa» ótý kezeńderiniń alǵysharty bolatynyn aıtty. Negizi Djeremı Rıfkın Qazaqstannyń «jasyl» ekonomıkaǵa kóshý jónindegi Tujyrymdamany ázirleý barysynda konsýltant retinde tartylyp, EKSPO-2017 kórme kesheniniń eskız-ıdeıalary boıynsha halyqaralyq sáýletshilik baıqaýdyń keńesin basqarǵan edi. Sondyqtan onyń bizdiń elimizdi jaqsy biletini kórinip turdy. Uly Jibek jolynyń ortasyna ornalasqan Qazaqstan Batys pen Shyǵystyń arasynda «jasyl» energııa kópirine aınalyp, osy salalardyń ortalyq habyna aınalýǵa da múmkindigi mol, dedi. Sizderdiń elderińiz baı ári mamandaryńyz saýatty eken, dep jalǵastyrdy ol sózin. Sondyqtan tartynatyn eshteme joq, dep túıindedi.
Eger eske alar bolsaq, Memleket basshysy Nursultan Nazarbaev óziniń «Qazaqstan-2050» Strategııasy – qalyptasqan memlekettiń jańa saıası baǵyty atty» Joldaýynda Úshinshi ındýstrııalyq revolıýsııany HHI ǵasyrdyń on jahandyq syn-qateriniń biri retinde atap ótkeni belgili. Bolǵan semınarda sol syn-qaterden Qazaqstannyń laıyqty ótýi áńgime arqaýyna aınaldy. Semınardyń ekinshi bólimi saýal-jaýapqa, qyzyqty pikirtalasqa ulasty. Sondaǵy birtalaı usynystardy saralaǵan doktor Rıfkın Nazarbaev Ýnıversıtetine joǵary baǵa bere kelip, álemniń eń ozyq tehnologııalary osy jerde shoǵyrlanǵanyn, sondyqtan álem boıynsha teńdesi joq jańadan ashylatyn ǵylymı-tehnologııalyq bıosfera zertteý ortalyǵyn Memleket basshysynyń atymen ataýǵa usynys bildirdi. Onyń oıynsha, bıosferalyq zertteý ortalyǵyn Elbasy atymen ataýǵa Qazaqstan halqynyń tolyq quqyǵy bar.
Doktor Djeremı Rıfkın búginde mańyzdy birqatar kezdesýler ótkizip, Nazarbaev Ýnıversıtetinde dáris oqıdy.
Nurbaı ELMURATOV,
«Egemen Qazaqstan».