Mańǵystaý oblysynyń Aqtaý qalasynda 600-den astam qymbat baǵaly kólikter Uly Otan soǵysynyń ardagerleri men múgedekter atyna tirkelip, belgili mólsherde memleket qazynasyna salyq túspegen. Bul týraly «Týmba» jazdy.
Buǵan deıin buqaralyq aqparat quraldarynda jazylǵandaı, jergilikti jerdegi birqatar azamattar avtokóliktiń dvıgatel kólemin ózgertip,salyq mólsherin azaıtyp tóleýge áreket jasaǵan. Jalpy, Aqtaý qalasyndaǵy salyq basqarmasy dvıgateliniń kólemi úlken 646 avtokóliktiń ardagerler men múgedekter atyna tirkelgenin anyqtady. Osynyń saldarynan memleket qazynasyna 30 mln. teńge túspegen.
Múgedek jandar men ardagerlerdiń atyna tirkelgen avtokólikterdiń qatarynda «Toyota Land Cruise», «Lexus 570», «Nissan Patrol», «Nummer», «BMW X5» jáne ózgeleri bar. Osy oraıda, halyq qalaýlylarynyń keler jyldyń kókteminde salyq zańdylyǵyn qaıta qaraýdy josparlaǵanyn atap ótkimiz keledi.
Danııar Túımebaı.