Maqtaaralda 115 úıdiń qurylysy aıaqtaldy

Osylaısha, memleket úshin eń basty kapıtal – el turǵyndarynyń ómirine qater tóngen joq. Endigisi qıraǵan materıaldyq baılyq-tuǵyn. Muny da bereke-birligi bekem, boıyna qaıyrymdylyq uıalaǵan el-jurt kóterip alyp ketti. Maqtaaralǵa aǵylǵan gýma­nıtarlyq kómektiń esebinde shek joq desek qatelespespiz. Álige deıin sý tasqynynan zardap shekken mekenge járdem bir sátke de tolastaǵan emes. Nátıjesinde shekaradaǵy shalǵaı aýdanǵa memlekettik deńgeıde kómek kór­setilip, aǵaıynnyń basyndaǵy aýyrt­palyq jeńildeı tústi. 

Qıyn-qystaý kezeńde el Pre­zı­denti Qasym-Jomart Toqaev shuǵyl sheshim qabyldady, oblys ákimi О́mir­zaq Shókeevke arnaıy tapsyrma berdi. Eki aıdyń ishinde sý shaıǵan aýyl­dar qalpyna kel­tirildi. Kúni keshe bas­panasyz qal­ǵan turǵyndar úshin ja­ńadan salynyp jatqan shaǵynaýdanda 115 úıdiń qurylysy tolyq aıaqtaldy.

Jalpy, aýdan kóleminde 386 úı­diń irgetasy qalanyp, qabyr­ǵasy órilgen. Basym bóligi­­niń shatyry jabylyp, ishki ár­leý jumystary júrgizilýde. De­mek turǵyndardyń qýanyshqa kene­letin kúni de jaqyn. Apta basynda óńir basshysy О́mirzaq Shókeevtiń tóraǵalyǵymen ótken ákimdik lezdemeniń kún tár­tibinde de Maqtaaraldaǵy qu­rylys jumystary talqylandy. Túrkistan qalasy men Maqtaaral aýdanyndaǵy qyzý eńbek týraly oblystyq qurylys basqar­ma­sy­n­yń basshysy Toqtar Úsip­álıev baıandama jasady.

«Túrkistan oblysy boıynsha qurylys jumystaryna 9 myńnan astam, al Túrkistan qala­syndaǵy qu­ry­lys naý­qanyna 4 myńnan astam adam jumyldyrylǵan. Bar­lyq qurylys nysanynda eldegi ka­rantın talaptary qatań saq­talýda. Jumysshylar tıisti saqtyq sharalaryn qatań us­tanyp, jumys isteýde. Túrkistan qalasynda qurylysy toq­taǵan nysandar joq», dedi ol.

Basqarma basshysy sondaı-aq Maq­taaral aýdanyndaǵy qurylys alań­ynda 29 merdiger mekeme men 1400 jumysshy, 87 arnaıy tehnıka qu­rylys-montaj jumystaryna tar­tylǵanyn aıtyp ótti.

Aýdandaǵy sý shaıǵan Jeńis, Dostyq, Jańaturmys eldi me­kenderi úshin 70 gektar jer­de jańadan boı kóter­gen Myr­zakenttegi jańa shaǵyn aýdan­da 1200 oryndyq mektep pen 280 oryndyq bala­baqsha jáne dárigerlik ambýlatorııa men polısııa ýchas­kesiniń qurylysy júrgi­zilip jatqanyn tilge tıek etti. Munymen qatar, Fırdoýsı aýyly­­nan dári­gerlik ambýlato­rııa men polısııa beketi, О́rgebas aýy­lynan feldsherlik-akýsher­lik pýnkt pen polısııa beketi salynyp jatqanyna toqtaldy.

Apat saldarynan qolyn­daǵy tórt túliginen aıyryl­ǵan aǵaıynǵa da tıisti kómek kórsetilmek. Oryn alǵan tóten­she jaǵdaı kezinde úı janýarlarynan aırylǵan azamattar­ǵa mal shyǵyny tolyǵymen tólene­di. Topan sý basqanda jalpy aýdandaǵy 22 otbasy 144 bas malynan ajyrap, shyǵyndan­ǵan bolatyn. Búginde «Túrki­stan» korporatıvtik áleýmettik qory arqyly túıege 300 myń teńgeden 1,5 mln teńgege deıin, jylqyǵa 160 myńnan 380 myń teńgege, sıyrǵa 110 myńnan 220 myń teńgege, usaq malǵa 25 myńnan 45 myń teńgege, úı qusyna 2 myń teńgege deıin ótemaqy berilgen.

Jalpy, tasqyn sýdan zardap shekken aýyldardy qoqystan tazartý kezinde 930-dan astam mal óleksesi shyǵaryldy. Onyń ishinde 40 iri qara, 876 usaq mal, 9 jylqy, 6 túıe óleksesi bar. Anyqtaý jumystary barysynda tórt túliktiń basym bóligi О́zbekstan Respýblıkasynan topan sýmen aǵyp kelgeni belgili bolǵan. Oblystyq aýyl sharýashy­ly­ǵy basqarmasy, Maqtaaral aýdandyq aýmaqtyq ınspeksııasy jáne aýdandyq «Veterınarlyq qyzmeti» KMM-niń ókilderinen arnaıy komıssııa qurylyp, joǵalǵan úı janýarlaryn túgendeý jáne mal ólekselerin joıý jumystary júrgizildi. Tótenshe jaǵdaı­dan zardap shekken eldi mekender toly­ǵymen dezınfeksııalandy.

Qazirgi tańda Maqtaaral aýdanyn­daǵy jańa shaǵyn aýdan­da 386 úı men birqatar áleý­met­tik nysan boı kótergen. So­lar­dyń ishinde turǵyndardyń demalýyna, serýendeýine arnal­ǵan jelilik saıabaq pen gúl­zar­lar salynýda. Demalys aımaq­tarynda qazirgi sátte abattandyrý jumys­tarymen qatar velo­jol tóselinip, sýaǵarlar orna­tylǵan. Aınalasy jasyl jelekpen kómkerilip, turǵyndar úshin barlyq jaǵdaı jasalýda.

О́tken aptada Jańajol aýyl­dyq okrýgine qarasty О́rgebas jáne Fırdoýsı aýyl­daryn qalpyna keltirý jumystaryn teksergen О́mirzaq Estaıuly jaýapty basqarma basshylary men qurylys kompanııasy ókilderine birqatar tapsyrma júktedi. Ári tasqyn sýdan zardap shekken Maqtaaral aýdanyndaǵy eldi mekenderdi qalpyna keltirý jumystary jiti baqylaýda ekenin jetkizdi.

«Ár nysan sapaly turǵy­zylyp, aýdan turǵyn­daryna ýaqtyly tapsyrylýy qajet», dedi oblys ákimi.

Esterińizge salar bolsaq, jalpy, О́rgebas aýylyndaǵy barlyq 194 úı buzylyp, jańadan salynyp jatyr. Búginde 116 úıdiń qabyrǵasy qalanǵan. 49 úıdiń shatyry jabylýda. Al Fırdoýsı eldi mekeninde jalpy 303 úıdiń basym bóliginiń qabyrǵasy qalanǵan. 38 úıdiń shatyry jabylǵan.

Túrkistan oblysy,

Maqtaaral aýdany