AQSh pen Qytaı arasyndaǵy qatynastyń ýshyǵýy keıbir kompanııalardyń jaǵdaıyn qıyndatyp jiberdi.
Donald Tramp Qytaı ónimderiniń elde erkin qoldanysta bolýyna qysym kórsetip keledi. Júz mıllıonǵa jýyq amerıkalyq qoldanýshysy bar Tik Tok áleýmettik jelisiniń jumysyna da tosqaýyl qoıyldy. Oǵan sebep retinde prezıdent ákimshiligi ulttyq qaýipsizdikti alǵa tartty. Alaıda Micrsoft kompanııasy qytaılyq ónimniń AQSh-taǵy qyzmetin satyp alýǵa qyzyǵýshylyq tanytyp otyr. Alpaýyt kompanııa kelissózdi qyrkúıektiń ortasyna deıin aıaqtaýdy kózdeýde. Sarapshylar osylaısha eldegi asa iri ári bedeldi áleýmettik jelini ıemdengen Micrsoft sala úzdikteri Facebook, Google kompanııalaryna básekeles bola alady dep esepteıdi. Tik Tok keıingi jyldary jastar arasynda keńinen tanymal bolǵan platformalardyń biri. 150 elde, 75 tilde qyzmet kórsetetin qosymshany byltyr bir mıllıardtan astam qoldanýshy júktegen.