Qazaqstan Qaýipsizdik keńesi hatshylyǵynyń meńgerýshisi Erlan Baıtuqbaev elimizdiń Bas prokýratýrasy Damumed júıesinde yqtımal burmalaýǵa qatysty tekserýdi bastaıtynyn aıtty, dep habarlaıdy Egemen.kz
"Azamattardy medısınalyq tekserý jáne emdeý boıynsha derekterdi burmalaý múmkindigi týraly máseleler, endi Qaýipsizdik Keńesi apparatynyń baqylaýynda.
Prezıdenttiń kómekshisi, Qaýipsizdik Keńesiniń hatshysy Áset Isekeshev Bas prokýratýraǵa 28 tamyzǵa deıin tekserý júrgizýdi jáne kelip túsken aqparat rastalǵan jaǵdaıda prokýrorlyq den qoıý sharalaryn qabyldaýdy tapsyrdy. Tekserý nátıjeleri týraly qosymsha habarlanady", dedi Erlan Baıtuqbaev.
Buǵan deıin DamuMed-ten jarty jylda 75,5 mıllıon teńgege jýyq somaǵa 11 607 tirkelim tabylǵany habarlanǵan bolatyn. Atalǵan monıtorıngti áleýmettik medısınalyq saqtandyrý qorynyń mamandary júrgizdi.
Sonymen qatar jeli qoldanýshylary áli de dárigerlerge barmaǵan saparlary kórsetilgen qosymshadan skrınshottardy shyǵarady. Kóptegen turǵyn aýrýhanalarǵa "barǵanyn" jáne synaqtardy "tapsyrǵanyn" kezdeısoq biledi.
Sonymen qatar Májilis tóraǵasynyń orynbasary Vladımır Bojko áleýmettik jelilerde Damumed qosymshasyndaǵy dárigerlerdiń "joq qabyldaýlaryna" qatysty narazylyq bildirdi.