Búgin Indýstrııa jáne ınfraqurylymdyq damý mınıstrliginiń bastamasy boıynsha vıse-mınıstri Dınara Sheglovanyń tóraǵalyǵymen Shyǵys Qazaqstan oblysynyń ónerkásiptik kásiporyndarynda Indýstrııa 4.0 elementterin engizý máseleleri boıynsha onlaın-jınalys ótti, dep habarlady mınıstrliktiń baspasóz qyzmeti.
!s-shara Shyǵys qazaqstan oblysy ákimdiginiń ókilderi, oblystyń ónerkásip kásiporyndary, «Innovasııalyq tehnologııalar parki» Derbes klasterlik qory, «QazIndustry «Qazaqstandyq ındýstrııa jáne eksport ortalyǵy» AQ ókilderiniń qatysýymen ótti.
«Sıfrlyq Qazaqstan» memlekettik baǵdarlamasy sheńberinde Pavlodar oblysynda 6 ónerkásiptik kásiporyn («Qazaqstan alıýmınııi» AQ, «Qazhrom» TUK AQ, «Bogatyr Kómir» JShS, «ERG Service» AQ, «Prommashkomplekt» JShS, «PMHZ» JShS) somasy 3 121 mln teńgege 10-nan astam sıfrlyq jobany iske asyrýda. 782 mln teńge somasyna 4 joba iske asyryldy.
Sondaı-aq D. R. Sheglova Mınıstrliktiń ónerkásiptik obektilerdi sıfrlandyrýǵa baǵyttalǵan keıbir bastamalary týraly qysqasha aıtyp berdi:
- «ITP» DKQ jáne «QazIndustry» AQ birlesip qurylǵan tehnologııalyq platformanyń kómegimen otandyq ónerkásiptik jáne AT kásiporyndaryn qoldaýdyń Ekojúıesin qurý qajettiligi;
- ónerkásipti sıfrlandyrý jáne Indýstrııaǵa 4.0 kóshý úshin jaǵdaı jasaý boıynsha negizgi qadamdardy anyqtaý;
«Sıfrlyq Qazaqstan» Memlekettik baǵdarlamasyna engizý úshin kásiporyndardy sıfrlandyrý boıynsha usynystar.
Talqylaý barysynda memlekettik baǵdarlamaǵa engizý úshin kásiporyndardy sıfrlandyrý boıynsha usynystar engizýge baılanysty kóptegen praktıkalyq máseleler boıynsha jan-jaqty pikir almasyldy. Jınalystyń qatysýshylar ónerkásiptik kásiporyndardyń osy úderisindegi aıqyndaýshy rólin atap ótti.
Jınalys barysynda taraptar barlyq múddeli taraptardyń qatysýymen osyndaı jumys formaty pikir almasýdyń jáne ónerkásipti sıfrlandyrý deńgeıin arttyrý jáne Indýstrııa 4.0-ge kóshý máseleleri boıynsha biryńǵaı ustanymdy ázirleýdiń tıimdi tásili bolyp tabylatynyn atap ótti, sondaı-aq osy baǵyttaǵy jumysty jalǵastyrýǵa kelisti.