«Shyǵys-2013» jedel-strategııalyq oqý-jattyǵýy aıaqtaldy. Qazaqstan Qarýly Kúshteri Qurlyq áskerleriniń basqarý organdary Reseı Qarýly Kúshteri ókilderimen ózara is-qımyl jasaı otyryp, qorǵanys operasııasyn jáne shartty qarsylasty joıýdy josparlaý jónindegi mindetterdi sátti oryndap shyqty.
«Shyǵys-2013» jedel-strategııalyq oqý-jattyǵýy aıaqtaldy. Qazaqstan Qarýly Kúshteri Qurlyq áskerleriniń basqarý organdary Reseı Qarýly Kúshteri ókilderimen ózara is-qımyl jasaı otyryp, qorǵanys operasııasyn jáne shartty qarsylasty joıýdy josparlaý jónindegi mindetterdi sátti oryndap shyqty.
Oqý-jattyǵýdyń jospary boıynsha shartty qarsylas bizdiń áskerlerge zymyran-bombalyq jáne avıasııalyq soqqy jasaı otyryp, irgeles memlekettiń aýmaǵyn basyp alýǵa baryn saldy. Alaıda, bizdiń áskerlerdiń jaqsy oılastyrylǵan jáne uıymdastyrylǵan qorǵanysy, sondaı-aq, Qurlyq áskerleriniń kúırete soqqan qarsy shabýyldary qarsylasty jetken shebinde toqtatyp, áýeden kórsetilgen qoldaý arqyly oǵan barynsha kóp shyǵyn keltirdi.
Esterińizge sala keteıik, «Shyǵys-2013» jedel-strategııalyq oqý-jattyǵýy 2013 jylǵy 8-12 qazan aralyǵynda Shyǵys Qazaqstan jáne Almaty oblystarynyń aýmaǵynda Qurlyq áskerleriniń («Shyǵys» óńirlik qolbasshylyǵy áskerleri, motoatqyshtar, artıllerııa bólimsheleri, Aeroutqyr áskerleriniń bólimderi) jáne Áýe qorǵanysy kúshteri Áskerı-áýe kúshteri avıasııasynyń qatysýymen ótti.
UQShU-ǵa múshe memleketter jaýyngerlik basqarý organdary arasyndaǵy yntymaqtastyqty nyǵaıtý jáne tájirıbe almasý maqsatynda oqý-jattyǵýǵa Reseı Federasııasy Qarýly Kúshteriniń jedel toby tartylǵan bolatyn.
Komandalyq-shtabtyq úlgide ótken «Shyǵys-2013» jedel-strategııalyq oqý-jattyǵýyna Qazaqstan Respýblıkasy Qarýly Kúshteri Bas shtabynyń bastyǵy, general-polkovnık Sáken Jasuzaqov basshylyq jasady.
«Egemen aqparat».