Sý sportynan birneshe dúrkin Azııa chempıony Vıtalıı Hýdıakov Ystyqkóldi júzip ótti. 56 shaqyrym qashyqtyqty baǵyndyrǵan ol bul áreketin Tokıodaǵy Olımpııa oıyndaryna arnaǵan. Sebebi 5 tamyzda tórtjyldyq dodasynda ashyq sýda júzýden jarys bastalýy tıis edi, dep habarlady UOK baspasóz qyzmeti.
Hýdıakov 5 tamyzda Sholpan-Ata ýaqytymen tańǵy 5:15-te júzýdi bastap, 13 saǵat 18 mınýttan keıin Kadjı-Saıa jaǵajaıyna jetken. Sýdyń temperatýrasy 18-19 gradýs, al jalpy qashyqtyq 56 shaqyrym bolǵan. Atalǵan ýaqyt pen qashyqtyqty Qyrǵyzstan júzý federasııasynyń ókili Ahmet Anarbaev tirkegen.
Aıta ketelik, Vıtalıı Hýdıakov Aqtóbe oblysynyń atynan synǵa túsedi. Ol tórt ret Azııa chempıonatynda top jarǵan (2013, 2017, 2018, 2019). Sondaı-aq 2014 jáne 2016 jyldary Jaǵajaı oıyndarynda jeńiske jetken. Qazirgi sátte Hýdıakovtyń qorjynynda Tokıo Olımpıadasynyń joldamasy bar.