KVI emdeýge arnalǵan dári-dármekterdiń defısıtin joıý boıynsha qabyldaǵan sharalar týraly "SK-Farmasııa" JShS basqarma tóraǵasy Erhat Esqalıev aıtyp berdi, - dep habarlaıdy Egemen.kz
Eń aldymen, qysqa merzimde dári-dármek tapshylyǵy máselesin jedel sheshýge kómektesetin shuǵyl sharalar kesheni jasaldy:
KVI emdeý úshin dárilik zattardyń aılyq qoryn 2,6 mlrd teńgege jóneltý. 40 myń pasıent úshin 8,7 mlrd teńge somasyna qosymsha mólsherde satyp alý. 24 mlrd teńge somasyna 100 myń pasıentti emdeýge arnalǵan dárilik zattar boıynsha 2 aılyq rezerv qalyptastyrý. Suranysqa ıe preparattardy bólshek saýdada ótkizý.Kompanııanyń logıstıkalyq prosesterin jańǵyrtý júrgizildi. Jaǵdaıdy ózgertý úshin logıstıkalyq format statıkalyq formattan dınamıkalyq formatqa ózgertildi.
KVI boıynsha jedel jaǵdaı kezeńinde barlyq dárilik zattar medısınalyq uıymdarǵa jiberiledi. Kezekshi toptardy qalyptastyrý jolymen qoımanyń 24/7 rejımindegi jumysy; Josparly reıster sany 1,7 esege artty; Jóneltý merzimin 2 aptadan 1 aptaǵa deıin qysqartý; Taýardy Habtan aımaqtarǵa Cross-docking qaǵıdaty boıynsha bólý; Dárilik zattardy esepteýdi jedeldetý úshin qoıma qyzmetkerleriniń sany artty; Dári-dármekterdi jetkizýdi jedeldetý úshin avıakompanııalarmen kelisim;