Shyǵys – Adaldyq alańy» jobalyq keńsesi arnaıy jumys toby ókilderimen birge О́skemen qalasynyń ortalyq kóshelerinde ornalasqan saýda nysandaryna reıd júrgizýdi jalǵastyrýda, dep habarlaıdy Egemen.kz.
Aımaqta reıd jumystary álemdik pandemııaǵa baılanysty el aýmaǵynda TJ rejımi jarııalanǵan ýaqytta bastalǵan bolatyn. Búgingi kúnge deıin arnaıy top ókilderi karantın talaptary boıynsha qoǵamdyq tártipti baqylaýda ustap otyr.
Jumys toby sanıtarlyq talaptardy saqtamaǵan kásip ıelerine eskertý jasap, qoǵamdyq ımýnıtetti qalyptastyrý maqsatynda karantın erejelerin saqtaýdy talap etti.
Saýda oryndaryn tekserý kezinde ártúrli mekemede sanıtarlyq qaýipsizdikti saqtaýǵa erekshe den qoıylǵany baıqaldy. Degenmen arasynda áli de qaýipti elemeıtinder tabylyp jatty. Olarǵa jobalyq keńse tarapynan keńinen túsindirý jumystary júrgizildi.
Betperde taǵý, araqashyqtyqty saqtaý syndy talaptar eskerýsiz qalmaý úshin arnaıy jumys toby kúndelikti reıd júrgizedi. Máselen arnaıy jumys toby uıymdastyrǵan reıdtiń birinshi kúni sanıtarlyq talaptardy saqtamaǵany úshin kásip ıeleri eskertý aldy.