Oblystyq polısııa departamenti baspasóz qyzmetiniń aqparatyna qaraǵanda keshe, 6 tamyzda eki adam joǵalyp ketken. Onyń biri – 40 jastaǵy áıel, ekinshisi – 1,5 jastaǵy balaqaı.
Bul týraly keshki mezgilde polısııanyń kezekshi bólimine Atyraý qalasynyń turǵyny shuǵyl habar beripti. Onyń aıtýynsha, 1980 jyly týǵan apasy men óziniń 1,5 jastaǵy qyzy saǵat 17:30 shamasynda úıinen shyǵyp ketip, qaıta oralmapty.
«Osy derekke baılanysty joǵalǵan adamdardy izdestirýge Atyraý qalalyq polısııa basqarmasynyń jeke quramy dereý jumyldyryldy. Búgin, 7 tamyzda saǵat 10:00 shamasynda polısııa polkovnıgi Saıfýlla Qazıhanov pen polısııa maıory Andreı Chekarev 40 jastaǵy áıel men 1,5 jasar balany «Dına» bazarynyń mańynan tapty. Qazir olar týystarymen tabysty» dep habarlady departamenttiń baspasóz qyzmeti.