Qyzylorda oblysy Jańaqorǵan aýdandyq polısııa bóliminiń qyzmetkerleri Qojakent aýylynyń ońtústik betkeıinde qalyń jyńǵyldyń ortasynda arnaıy daıyndalǵan aýmaqqa sora egilgendigin anyqtady.
Jedel tergeý tobynyń izdestirý sharalary nátıjesinde kúdikti retinde osy aýdannyń turǵyny ustaldy.
Oqıǵa ornyn tekserý barysynda kúdiktiniń sheńgel men jyńǵyldar arasynda jalpy 281 túp sora ekkendigi belgili boldy. Kúdikti aýdandyq polısııa bóliminiń ýaqytsha ustaý abaqtysyna qamaldy.
Bul derek boıynsha Qazaqstan Respýblıkasynyń Qylmystyq kodeksiniń 300-babynyń 2-bóliginiń 3-tarmaǵymen sotqa deıingi tergep-tekserý amaldary júrgizilýde.