Qazaqstan Elshisi Satybaldy Burshaqov Izraıldiń Joǵary bilim mınıstri jáne Sý resýrstary mınıstri, Qazaqstan men Izraıl arasyndaǵy saýda-ekonomıkalyq yntymaqtastyq jónindegi birlesken komıssııasynyń teń tóraǵasy Zeev Elkınmen kezdesti, dep habarlaıdy Egemen.kz
Kezdesýde ekijaqty baılanystardyń ózekti máseleleri talqylanyp, joǵary oqý oryndary arasynda yntamqtastyqty keńeıtý, sondaı-aq Qazaqstan men Izraılde koronavırýsty tejeý sharalary týraly jáne ekonomıkalyq jaǵdaıǵa qatysty pikir almasý boldy.
Elshi pandemııamen birlesken kúres aıasynda Izraıldiń jýyrda Nur-Sultanda Mashav agenttiginiń atynan tapsyrǵan gýmanıtarlyq kómegi úshin alǵys bildirdi. Sonymen qatar Izraıldiń jetekshi medısınalyq ortalyqtary men Qazaqstan dárigerleriniń arasynda oryn alǵan konsýltasııalardyń mańyzdylyǵy jáne olardyń tamyz aıynda jalǵasýy josprlanǵany týraly áńgime boldy.
Taraptar pandemııa jaǵdaıynda bıylǵy jyldyń alǵashqy 5 aıy ishinde elderimiz arasyndaǵy saýda aınalymy 200 mln AQSh dollaryn quraǵany týraly málimdep, ony ósirý maqsatynda Saýda-ekonomıkalyq yntymaqtastyq jónindegi birlesken komıssııanyń qyzmetin jandandyrý qajettiligi týraly kelisti. Osy baǵytta Elshilik jaqyn arada Izraıl kásipkerleriniń jáne Kazakh Invest ulttyq kompanııasynyń qatysýymen onlaın bıznes-forýmyn uıymdastyratyny belgili boldy.