2013 jylǵy 2 tamyz Astana, Úkimet Úıi
«Aýmaqtyq sýlar alyp jatqan jer ýchaskelerin jasandy ǵımarattar salý úshin berý qaǵıdalaryn bekitý týraly» Qazaqstan Respýblıkasy Úkimetiniń 2011 jylǵy 1 jeltoqsandaǵy № 1419 qaýlysyna ózgerister engizý týraly
2013 jylǵy 2 tamyz Astana, Úkimet Úıi
«Aýmaqtyq sýlar alyp jatqan jer ýchaskelerin jasandy ǵımarattar salý úshin berý qaǵıdalaryn bekitý týraly» Qazaqstan Respýblıkasy Úkimetiniń 2011 jylǵy 1 jeltoqsandaǵy № 1419 qaýlysyna ózgerister engizý týraly
Qazaqstan Respýblıkasynyń Úkimeti qaýly etedi:
1. «Aýmaqtyq sýlar alyp jatqan jer ýchaskelerin jasandy ǵımarattar salý úshin berý qaǵıdalaryn bekitý týraly» Qazaqstan Respýblıkasy Úkimetiniń 2011 jylǵy 1 jeltoqsandaǵy № 1419 qaýlysyna (Qazaqstan Respýblıkasynyń PÚAJ-y, 2012 j., № 5, 87-qujat) mynadaı ózgerister engizilsin:
Aýmaqtyq sýlar alyp jatqan jer ýchaskelerin jasandy ǵımarattar salý úshin berý qaǵıdalarynda:
5-tarmaq mynadaı redaksııada jazylsyn:
«5. Jasandy ǵımarattardy salý úshin jer ýchaskelerin berýdi Qazaqstan Respýblıkasy Qorshaǵan ortany qorǵaý mınıstrligi Sý resýrstary komıtetiniń sý resýrstaryn paıdalanýdy retteý jáne qorǵaý jónindegi tıisti basseındik ınspeksııasymen kelisim boıynsha Atyraý jáne Mańǵystaý oblystarynyń jergilikti atqarýshy organdary júzege asyrady. Kaspıı teńizindegi Qazaqstan Respýblıkasynyń aýmaqtyq jáne ishki sýlar shegindegi oblystardyń shekaralary oblystardyń Kaspıı teńizi jaǵalaýy qurlyǵyndaǵy ákimshilik shekaralarynyń túıisken núktesin eskere otyryp, soltústik endiktiń 46 gradýs syzyǵyna parallel syzyq retinde anyqtalady.»;
9-tarmaqtyń 1) tarmaqshasy mynadaı redaksııada jazylsyn:
«1) bıznes-sáıkestendirý nómiri kórsetilgen (BSN) zańdy tulǵany memlekettik tirkeý (qaıta tirkeý) týraly anyqtama nemese notarıaldy rastalǵan kýáliktiń* kóshirmesi.
Eskertpe: * «Qazaqstan Respýblıkasynyń keıbir zańnamalyq aktilerine zańdy tulǵalardy memlekettik tirkeý jáne fılıaldar men ókildikterdi eseptik tirkeý máseleleri boıynsha ózgerister men tolyqtyrýlar engizý týraly» 2012 jylǵy 24 jeltoqsandaǵy Qazaqstan Respýblıkasynyń Zańy qoldanysqa engizilgenge deıin berilgen zańdy tulǵany, fılıaldar men ókildikterdi memlekettik (eseptik) tirkeý (qaıta tirkeý) týraly kýálik zańdy tulǵanyń qyzmeti toqtatylǵanǵa deıin jaramdy bolady;»;
24-tarmaq mynadaı redaksııada jazylsyn:
«24. Jer ýchaskesine sáıkestendirý qujatyn ázirleý jáne berý Qazaqstan Respýblıkasy Úkimetiniń 2012 jylǵy 1 qarashadaǵy № 1392 qaýlysymen bekitilgen «Ýaqytsha óteýli (uzaq merzimdi, qysqa merzimdi) jer paıdalaný (jaldaý) quqyǵyna aktiler resimdeý jáne berý» memlekettik qyzmet standartynyń 11-tarmaǵynda kórsetilgen qujattardy tapsyrǵan kezden bastap alty jumys kúni ishinde júzege asyrylady.».
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.