Pandemııa kezindegi perzenthana

Almaty qalasyndaǵy Perınatologııa jáne balalar kardıohırýrgııasy ortalyǵy qandaı qarqynda jumys istep jatyr? Bul týraly onlaın-suhbat barysynda osy me­dı­sınalyq mekemeniń dırektory Ǵanı Body­qov baıandady.

Megapolıstegi osy medısınalyq orta­lyq­tyń ereksheligi de sonda, jyl saıyn munda 8-8,5 myń áıel bosansa, olardyń 10-12 paıyzy merziminen erte týady. Al aq ha­lattylar densaýlyqtarynda kináraty bar jáne júrek aqaýlarymen kelgen sábılerdiń densaýlyǵy úshin kúresedi.

Pandemııaǵa baılanysty ortalyq ǵıma­ra­tynda JRVI men koronavırýstyq indet juqtyrǵan pasıentter úshin ınfeksııalyq-provızorlyq bólim uıymdastyrylǵan. Tek sońǵy eki aptada ortalyqta indetke shal­dyqqan 41 pasıent em qabyldasa, 33 aıaǵy aýyr áıel COVID-19 ınfeksııasynan tolyq saýyǵyp shyqqan. Emdeý barysynda 16 adam bosansa, olardyń 9-yna keser tiligi jasalynypty. Indet juqtyrǵan nemese pnevmonııaǵa shaldyqqan júkti áıelderdi emdeýdiń qıyndyǵy sonda, olardyń keseli aýyr akýsherlik patologııamen qatar júredi jáne qalaıda qursaqtaǵy sábıdi saqtap qa­lý­­dyń barlyq joldaryn qarastyrý qajet.

Aıta ketý kerek, búgingi tańda kardıo­hı­­rýrgter koronavırýs pandemııasyna baı­­lanysty pasıentterin emdemes bu­ryn, ózderiniń de qaýipsizdikterine de kóp kó­ńil bólýi kerek. Osy oraıda, aldy­men Ǵanı Bodyqov provızorlyq bólim qyz­met­kerleri úshin qaýipsiz eńbek sharttary jasalǵanyn jáne naýqastar barlyq dári­ler­men qamtamasyz etilgenin atap ótti.

Kún saıyn barlyq qyzmetkerlerge termometrııa júrgiziledi. Dárigerler ju­mys­ta barlyq qajetti jeke qorǵanysh qu­ral­darymen qamtamasyz etilgen. Bir rettik maskalar men qorǵanysh kostıýmderi, bir rettik halattardy jáne ekrandardy, de­zın­fek­sııalyq quraldary bar sanı­taı­zer­ler­di barlyq qabat pen jumys kabı­ne­tin­de qol­da­ný máselesi qadaǵalanady.

– Pandemııa jaǵdaıynda ortalyq aýma­ǵyn­da koronavırýs naýqastaryn emdeý úshin 25 provızorlyq jáne 5 ınfeksııalyq tósek-oryn qoıylǵan. Provızorlyq bólim qyz­metkerleri úshin qaýipsiz eńbek jaǵdaıy jasalyp, motıvasııa júıesi oılastyrylǵan. Bar­lyǵyna qonaqúı nómirleri, transfer, 3 rettik tamaq beriledi. Ortalyqta qyz­met­ker­lerge kósheden kiretin shlıýzdary, kıim aýystyratyn aımaǵy, jýynatyn orny men qoldanylǵan jeke qorǵanys quraldaryn joıatyn aımaǵy bar jeke kiretin oryn qarastyrylǵan. Taza (jasyl) aımaqta ordınatorlar, demalatyn jáne tamaqtanatyn oryndar bar, – deıdi ortalyq basshysy.

Barlyq áıelder (eki aptada 40-tan astam) qabynýǵa qarsy, antıbakterıaldy, antıkoagýlıantty, sonymen birge Densaýlyq saqtaý mınıstrligi usynǵan klını­ka­lyq hattamaǵa sáıkes, oksıgenoterapııa qabyldaıdy. Pnevmonııany emdeý úshin qajetti 1,5-2 aıǵa jetetin tolyq kólemdi preparattar bar.

Ǵanı Bodyqovtyń aıtýynsha, qar­ba­las jumysqa qaramastan, medısına qyz­metkerleriniń biliktiligin arttyrýǵa sebepker bolatyn personaldy oqytý ju­mys­tary da qosymsha júrigiziledi. Qazir­gi ýa­qytta provızorlyq bólimniń 4 dárigeri Oqý-ádistemelik ortalyqtyń bazasynda «Júktilik, bosaný jáne koronavırýs ınfeksııasy» taqyrybynda onlaın oqýdan ótip jatyr. Sonymen birge ortalyqta KVI dıagnos­tıkalaý jáne emdeý, dárigerler, medısına meıirbıkeleri jáne kishi medısınalyq personal úshin JQQ kıgizý jáne sheshý boıynsha semınar-trenıngter júıeli túrde ótkiziledi.

– Mamandardy daıarlaý boıynsha jumys júrgizilýde. Almaty qalalyq qoǵamdyq densaýlyq saqtaý basqarmasy uıǵarymymen qurylǵan joǵary medısınalyq kolledjinde tájirıbelik densaýlyq saqtaý mamandaryna arnalǵan bilim beretin Oqý-ádistemelik ortalyǵy jumys isteıdi. Qazir provızorlyq bólimsheniń 4 dárigeri osy ortalyqta «Júktilik, bosaný jáne koronavırýstyq ınfeksııa» taqyrybynda onlaın rejimde bilim alýda, – dedi Perınatologııa jáne balalar kardıohırýrgııasy ortalyǵynyń dırektory.

Ortalyqtyń epıdemııalyq qyzmeti dári­gerlerge, meıirbıkelerge jáne kishi me­dı­sı­nalyq personalǵa KVI dıagnozyn qoıý jáne emdeý, oqý-jattyǵý kıimderin kııý jáne jeke quramǵa arnalǵan oqytý semınar­laryn únemi ótkizip turady.

– Pandemııa men qaýiptiń joǵarylaýyna qaramastan, ortalyqta Almaty qalasynyń barlyq aımaǵyndaǵy júkti, bosanǵan áıelderge jáne bosaný qaýpi joǵary áıel­der­ge joǵary bilikti kómek kórsetý jalǵa­syp jatyr. Kúnine 30-50 naýqas aýrýhanaǵa jatqyzylsa, 30-45 júkti áıel ómirge sábı áke­ledi. Al olardyń 35%-y jedel bosansa, kúr­deli patologııasy bar náresteler em­de­le­di, – deıdi ortalyq dırektory.

Eń bastysy, pandemııa kezinde de orta­lyq mindetinen jańylǵan joq. Ana men ba­lanyń densaýlyǵyn jaqsartý arqyly sa­lamatty bolashaq úshin kúresýde. Perı­na­tologııa jáne balalar kardıohırýrgııa­sy ortalyǵynyń qyzmetkerleri kez kelgen jaǵdaıda Gıppokrat antyn oryndaýǵa da­ıyn.

ALMATY