Qazaqstanda kelesi vegetasııalyq maýsymda sýdy az tutynatyn daqyldardyń egisi artýy múmkin. Bul týraly "Kazahstanskaıa pravda" gazetine bergen suhbatynda Qazaqstan Ekologııa, geologııa jáne tabıǵı resýrstar mınıstri Maǵzum Myrzaǵalıev baıandady. Bul týraly Ekologııa mınıstrliginiń baspasóz qyzmeti habarlaıdy, dep jazady Egemen.kz
"Vegetasııalyq maýsym óńirlerde kúrdeli jaǵdaıda ótýde. Biraq sonymen birge kóptegen másele óz sheshimin taýyp, problemalar kún tártibinen túsýde. Biz osy baǵyttaǵy jumysty jalǵastyryp, qajet bolǵan jaǵdaıda ony kúsheıtemiz. Vegetasııalyq kezeńniń sońynda tereń júıeli taldaý júrgizip, sonymen qatar sharýa qojalyqtarymen birge sýdy az qajet etetin, biraq sonymen birge ónimdiligi joǵary daqyldardy egý alańyn ulǵaıtý máselelerin de qarastyramyz", dedi M.Myrzaǵalıev."Biz bul jumystardy Aýyl sharýashylyǵy mınıstrligimen, oblys ákimdikterimen birlese otyryp, kelesi vegetasııalyq maýsymǵa deıin aıaqtamaqpyz. Bul bizdiń agrarshylar úshin respýblıkanyń azyq-túlik qaýipsizdigin qamtamasyz etýdegi strategııalyq másele. Sondyqtan buǵan nazar aýdarý, árıne, oryndy bolmaq", dedi mınıstr.Suhbattyń tolyq mátini silteme boıynsha: https://www.kazpravda.kz/interviews/view/glava-minekologii-kazahstana--vodoobespechenie-regionov--vopros-strategicheskii