Búginde tıimdi memlekettik apparatty qalyptastyrý úshin memlekettik qyzmetshiler qataryna jas, bolashaǵy bar mamandardy tartý basty mindetterdiń biri, - dep habarlaıdy Egemen.kz.
Osyǵan baılanysty personaldy irikteýde de, olardy mansaptyq saty boıynsha odan ári joǵarylatýda da jańa tásilder qaralýda.
Stýdenttik shaqtan mamandardy memlekettik qyzmetke daıyndaıtyn "Mansap" Aqtóbe memlekettik qyzmet mektebi óńirdegi memlekettik qyzmetkerler qataryn jas kadrlarmen tolyqtyrýǵa jyl saıyn úlesin qosýda. Búgingi tańda atalǵan mektep túlekteriniń 70% - dan astamy memlekettik qyzmetshiler bolyp tabylady.
Jalpy alǵanda, búginde oblystyń memlekettik qyzmetinde 1044 jas memlekettik qyzmetshi eńbek etedi, onyń 88-i basshylyq laýazymdarda. Aıta keteıik, jyl saıyn óńirdegi memlekettik qyzmetshilerdiń bilim boıynsha sapalyq quramy jaqsarýda.
Osylaısha, óńirlik memlekettik qyzmet salasynda 3 «Bolashaq» baǵdarlamasynyń jáne 5 QR Prezıdenti janyndaǵy memlekettik basqarý Akademııasynyń túlekteri eńbek etýde.
Al jyl basynan memlekettik qyzmet salasynyń tabaldyryǵyn 76 jas maman attaǵan.
Sonymen qatar, 300 jas qazaqstandyqtan quralǵan Prezıdenttik Jastar kadrlyq rezervi jas basqarýshylar pýlyn aıtarlyqtaı tolyqtyrǵany anyq. Qazaqstan boıynsha irikteýge 35 jasqa deıingi 289 jas aqtóbelik qatysty. Búgingi tańda 12 rezervshiniń 9-y joǵary laýazymǵa taǵaıyndaldy.
Mysaly, 28 jastaǵy Nurjan Maqsatov oblystyq ekonomıka jáne bıýdjettik josparlaý basqarmasy basshysynyń orynbasary bolyp taǵaıyndaldy.
Qazaqstan-Brıtan tehnıkalyq ýnıversıtetiniń túlegi eńbek jolyn 2014 jyly oblystyq ındýstrııalyq-ınnovasııalyq damý basqarmasynyń is júrgizý ınspektory bolyp bastaǵan. Ár jyldary oblystyq ındýstrııalyq - ınnovasııalyq damý basqarmasynyń bas mamany jáne bólim basshysy bolyp qyzmet atqarǵan.
"Prezıdenttik kadr rezervine qatysqan 13 myń adamnyń qatarynan, úzdik úshjúzdikke ený maǵan kúshimdi synap, sondaı-aq meniń kúshti jáne álsiz jaqtarymdy túsinýge múmkindik berdi. Sonymen qatar, qosymsha tájirıbe alyp, ár túrli saladaǵy mamandarmen jaqsy baılanys ornattym. Bul joba bólim basshysynan Aqtóbe oblysynyń ekonomıka jáne bıýdjettik josparlaý basqarmasy basshysynyń orynbasaryna deıin ósýime serpin boldy", - deıdi rezervıst.
Sonymen qatar, memlekettik qyzmetke túsý rásimin jeńildetý jáne memlekettik qyzmetshilerdi áleýmettik qoldaý sharalaryn kúsheıtý de nazardan tys qalmaıdy.
Osylaısha, osy jyldan bastap Memleket basshysy kadrlyq áleýetti kúsheıtýge baǵyttalǵan "Dıplommen aýylǵa" baǵdarlamasyna memlekettik qyzmetshilerdiń qatysýyna múmkindik berdi.
Sondaı-aq, osy jyly Departamenttiń bastamasymen Q.Jubanov atyndaǵy Aqtóbe óńirlik memlekettik ýnıversıtetinde HR-mamandardy oqytý boıynsha joba qolǵa alyndy.