Oblystyq densaýlyq saqtaý basqarmasynyń basshysy Nurlybek Qabdyqaparovtyń aıtýynsha, koronavırýs ınfeksııasynan jazylyp shyqqandardyń úlesi 74 paıyzdy qurap otyr, - dep habarlaıdy Egemen.kz.
"Búgin, ıaǵnı 12 tamyzda Atyraý oblysynda koronavırýs ınfeksııasymen 10638 naýqas tirkeldi. Onyń ishinde 7869 pasıent emdelip shyqty. Qaýipti indetten jazylyp shyqqandardyń kórsetkishi 74 paıyzdy qurady. Naýqastar sanynyń azaıýyna baılanysty karantındik stansıonarlar jabyldy. Alaıda, epıdemıologııalyq ahýal jaqsarǵanymen, aldaǵy jaǵdaıdy boljaı almaımyz. Sol sebepten, koronavırýstyń ekinshi tolqynyna daıyndyq kúsheıtildi", - dedi Nurlybek Qabdyqaparov.
Onyń málimetine súıensek, qazir emdeý mekemelerinde dári-dármek qory jasaqtalypty.
"Alda kúz, qys mezgili kele jatyr. Sondyqtan, turǵyndarǵa óz densaýlyǵyna salǵyrt qaramaı, qorǵanysh quraldaryn paıdalanýǵa, qoǵamdyq ortada ara-qashyqtyqty saqtap, kisi kóp júretin oryndarǵa barmaýǵa keńes beremin",- dedi Nurlybek Qabdyqaparov.