12 tamyz – halyqaralyq jastar kúnine oraı Qyzylorda oblystyq «Jastar resýrstyq ortalyǵynda» jańa SYRJASTARY.COM saıtynyń tusaýkeseri ótti. Munda óńir jastaryna qatysty kúndelikti aqparattar jarııalanady. Saıtta kóshbasshylar jaıly tyń málimetter, qajetti kitap qorlarynyń elektrondy nusqasy da qamtylady, - dep habarlaıdy Egemen.kz
Ataýly kúnge oraı ortalyqtaǵy IT park bazasynda da erekshe shara uıymdastyryldy. Turǵyndar isten shyqqan kompıýterlerin IT parkke ákelip, mamandar onyń ishindegi qajetti bólshekterdi paıdalana otyryp, jańa kompıýter jasaqtaıdy. Olar jańa oqý jylyna oraı muqtaj otbasy balalaryna tabystalatyn bolady.
Budan bólek, ortalyqtaǵy IT kitaphana oqý ortalyǵyna aınaldy. Munda turmysy tómen, múmkindigi shekteýli balalar bilimin jetildire alady. Oǵan qosymsha arnaıy volonterler, erikti muǵalimder tartylady. IT kitaphanada bar jaǵdaı qarastyrylǵan, ınternet jelisi qoljetimdi.
Probasııa esebindegi turǵan jastar da umyt qalmaıdy. Bul úshin probasııa qyzmetimen birlesken joba iske asyrylady. Oblystyq «Jastar resýrstyq ortalyǵy» dırektory Baýyrjan Mastekov pen oblys boıynsha qylmystyq-atqarý júıesi departamenti basshysynyń mindetin atqarýshy, ádilet polkovnıgi Murat Nákenoa ekijaqty yntymaqtastyq týraly memorandýmǵa qol qoıdy. Kelisim negizinde jastarǵa psıhologııalyq keńes berilip, qatelikti qaıtalamaýyna kúsh salynady.