Búgingi tańda energetıkalyq kásiporyndar aldaǵy kúzgi-qysqy kezeńge daıyndyq jumystaryn júrgizip jatyr, dep habarlaıdy Egemen.kz
Energetıka mınıstrliginde habarlaǵandaı, 2020 jyly 8 energoblok, 59 qazandyq, 44 týrbınany jóndeý josparlanǵan.
Osy jylǵy 10 tamyzdaǵy jaǵdaıǵa sáıkes 4 energoblokta (barlyq energobloktardyń 50%-y), 22 qazandyqta (barlyq qazandyqtardyń 37%-y) jáne 13 týrbınada (barlyq týrbınalardyń 29%-y) tıisti jumystar aıaqtaldy.
Jóndeýdiń ártúrli kezeńderinde 2 energoblokta, 26 qazandyqta jáne 20 týrbınada jumystar atqarylyp jatyr. QR Birtutas elektr energetıkalyq júıesiniń elektr jelilerin 2020-2021 jyldardyń kúzgi-qysqy kezeńine daıyndaý úshin jalpy uzyndyǵy 25 828 km elektr berý jelilerin, sondaı-aq 429 birlik joǵary voltty qosalqy stansııalardy jóndeý kózdelgen.
Búgingi kúni 14 500 km elektr berý jelileri men 327 qosalqy stansııa jóndeldi, bul jyldyq jospardyń 56%-yn (jeliler boıynsha) jáne 74%-yn (qosalqy stansııalar boıynsha) quraıdy.