Shymkent qalasynda "Shymkent – TMD elderiniń mádenı astanasy" jyly aıasynda "Meniń Qazaqstanym" estrada ánshileriniń onlaın-festıvali ótýde, - dep habarlaıdy Egemen.kz
TMD memleketteriniń halyqaralyq gýmanıtarlyq yntymaqtastyq qorynyń jáne Qazaqstan Respýblıkasyndaǵy Rossotrýdnıchestvo ókildiginiń qoldaýymen Shymkent qalasynyń ákimdiginiń uıymdastyrǵan festıvali — qazaq kompozıtory, Qazaqstan Respýblıkasy Ánuranynyń avtory Shámshi Qaldaıaqovtyń 90 jyldyǵyna arnalyp otyr.
Festıvaldiń negizgi maqsaty — Dostastyq elderi arasynda mádenı-gýmanıtarlyq yntymaqtastyqty nyǵaıtý, rýhanı baılanystardy keńeıtý, sondaı-aq qazaq halqynyń mádenı murasyn nasıhattaý bolyp tabylady.
1-15 tamyz aralyǵynda ótetin festıvalge qazirgi tańda Reseı Federasııasynyń Tatarstan, Bashqurtstan, Altaı ólkesi jáne Sankt-Peterbýrg qalasynan, Belarýs, Ázirbaıjan, Armenııa, Túrikmenstan, О́zbekstan, Tájikstan, Qyrǵyzstan jáne Qazaqstannan 20-ǵa jýyq úmitker qatysýda. Sonymen qatar, TMD memleketterinen tys Amerıka Qurama Shtattary, Túrkııa elderinen qatysýshylar da bar.
Festıval qorytyndysy boıynsha televızııalyq nusqada konserttik baǵdarlama daıyndalyp, telearnalardan beriledi. Úzdik qatysýshylar alǵys hattar tabystalady. Sonymen qatar, 2021-2022 jyldar aralyǵynda karantın rejımi aıaqtalǵannan Shymkent qalasynda ótetin halyqaralyq is-sharalarǵa shaqyrylatyn bolady.