Qaraǵandy oblysynyń Balqash qalasyndaǵy ishki ister departamentiniń ýaqytsha oqshaýlaǵysh bastyǵy Sultan Ibragımov tártipsizdigine baılanysty oqshaýlaǵyshqa otyrdy. Bul týraly «Krımınalnye novostı» habarlady.
Balqash qalasyndaǵy túngi klýbqa barǵan eki qyzdyń birimen beıtanys azamat tanysqysy kelgen. Onyń araq ishkenin baıqaǵan qyz birjola sóılesýden bas tartady da, syrtqa qurbysymen bet alady. Ashýǵa býlyqqan azamat qyzdyń izinen qalmaı, ony kóshede soqqyǵa jyqqan. Osy isti quqyq qorǵaý qyzmetkerleri tekserý barysynda qyzdy urǵan ýaqytsha oqshaýlaǵysh bastyǵy S. Ibragımov ekenin anyqtady. Bul azamat jergilikti jerdegi prokýratýraǵa oqıǵaǵa baılanysty túsinikteme berýge kelgen sátinde, prokýrordyń aǵa kómekshisine de qol jumsaǵan eken...
Sot sheshimimen S. Ibragımov ýaqytsha oqshaýlaǵyshqa otyrdy. Endi oǵan qatysty qylmystyq is jaqyn arada qaralady.
Baqytbek Keneshuly.