QR Ekologııa, geologııa jáne tabıǵı resýrstar mınıstrliginiń usynysyna sáıkes atmosferalyq aýanyń jaı-kúıi týraly aqparatty taratý bastamasyna Atyraý qalasy da qosylyp otyr, - dep habarlaıdy Egemen.kz
"Bıylǵy 12 tamyzdan beri qaladaǵy LED ekrandarda Kazgıdromet» RMK Atyraý fılıalynyń baqylaý jelisinen atmosferalyq aýanyń jaı-kúıi kórsetile bastady. Q.Sátpaev kóshesindegi 4 LED ekrandaǵy aqparat saǵat saıyn jańartylady. Aýa sapasynyń negizgi kórsetkishteri, ıaǵnı, RM 10, PM 2,5 qalqyma bólshekteri, kúkirt dıoksıdi, azot dıoksıdi, azot oksıdi, kómirtegi oksıdi, kúkirtsýtegi týraly derekter qamtylady", - dedi Atyraý qalalyq ákimdiginiń baspasóz hatshysy Nazymgúl Qaısaǵalıeva.