Aqmolalyq polısııa qyzmetkerleri qoǵamdyq oryndarda sanıtarlyq jáne gıgıenalyq normalardy saqtaý qajettigi týraly túsindirý jumystaryn udaıy júrgizip keledi.
Túsindirip qana qoımaı, kómek qoldaryn sozýda. Medısınalyq maska taratý boıynsha arnaıy aksııa da ótkizdi. Oblys ákimi Ermek Marjyqpaevtyń qoldaýymen bólingen bes myń dana maskany qala turǵyndaryna tarata júrip, qaı ýaqytta da saqtyqtyń kerek ekendigin jerlesteriniń sanasyna sińirýge tyrysty.
Tártip saqshylarynyń bul áreketi qala turǵyndary tarapynan jaqsy baǵa alýda. Árbir adam jaman tumaý qaýpiniń áli seıilmeı turǵandyǵyn bilýge tıisti. Sharapaty mol áreket keıbir tártipti saqtaýǵa moıynsuny bermeıtin adamdar úshin táp-táýir sabaq boldy.