Memlekettik ortalyq mýzeıi jyl saıyn mýzeı qoryndaǵy qundylyqtardy dáripteý baǵytynda tanymdyq mádenı-bilim berý baǵdarlamalardy júıeli túrde mýzeı kórermenderine usynyp keledi. Eldegi qazirgi jaǵdaıǵa baılanysty ortalyq mýzeı óz jumysyn belsendi túrde onlaın rejimde jalǵastyryp otyr.
Osy oraıda kórermender nazaryna «Baılanys jáne telekommýnıkasııa quraldary» taqyrybynda mádenı-bilim berý onlaın-jobasyn usynady. Joba aıasynda oqý oryndarynyń oqýshylary úshin ártúrli baılanys quraldary men telekommýnıkasııalardy damytýǵa arnalǵan: «Jazý-kommýnıkasııa quraly», «Radıo», «Poshta. Telegraf», «Teledıdar», «Patefondar. Magnıtofondar», «Telefondar», «Kompıýter. Ǵalamtor» taqyryptarynda onlaın mýzeılik sabaqtardy usynady. Ortalyq mýzeı mamandary daıyndaǵan mýzeı sabaqtary stýdentterdi aqparat berý prosesinde mańyzdy ról atqarǵan alǵashqy jazý mashınkalarynyń úlgileri, telefon jáne telegraf qurylǵylary, teleqabyldaǵyshtar men radıo apparattardyń sırek kezdesetin úlgilerimen tanystyrady.
Almaty qalasy «Rýhanı jańǵyrý» jobalyq keńsesiniń málimetterine súıensek, usynylǵan mýzeı eksponattarynyń kolleksııasy erekshe ári sanalýan. Jazý tarıhy boıynsha mýzeılik sabaq erekshe qyzyǵýshylyq týdyrady. Munda aqparat almasýdyń ejelgi tásilderi – vampýmdar, kıpý, pıktogrammalar, petroglıfter, ıeroglıfter týraly aıtylady. Sonymen qatar Qazaqstannyń ǵylym, bilim jáne mádenıet qaıratkerleriniń jeke keshenderindegi mýzeılik zattar negizinde qaýyrsyn qalamnan bastap sharıkti qalam men jazý mashınkalaryna deıingi jazý quraldarynyń alýan túrlerimen tanystyrady. Olardyń arasynda 1933 j. Germanııada shyǵarylǵan«Mercedes» mehanıkalyq jazý mashınkasy jáne professor, ornıtolog A.Kovshardiń jeke keshenindegi QazKSR Qyzyl Kitabynyń qoljazbasy terilgen «Optıma» jazý mashınkasy erekshe nazar aýdarady. Sondaı-aq, óz kezeńinde symdy poshta baılanysynyń bir túri retinde keń taralǵan Morze telegraf apparattary, teletaıp jáne t.b. qyzyǵýshylyq týdyrady.
Radıo men teledıdardy oılap tabý – adamzat ónertabysynyń eń úlken jetistikteriniń biri. Mýzeılik sabaqqa qatysýshylar radıo tyńdaýshylar arasynda keń suranysqa ıe bolǵan radıola, «Mýromes», «Estonııa-3», «Sırıýs-5», «Maıak-2020» radıoqabyldaǵyshtarymen keńinen tanysady. Sondaı-aq, teledıdar týraly, atap aıtqanda, alǵashqy keńestik serııalyq KVN-49 ústel teledıdary, «Rekord -331» qara-aq beıneli teledıdary, «Berezka» jartylaı ótkizgishti teledıdary týraly málimet alý qyzǵylyqty bolary sózsiz. Qazirgi tańda bizdiń ómirimizdi telefonsyz elestetý múmkin emes. Mýzeı sabaqtaryna qatysýshylardyń nazaryna alǵashqy jáne qazirgi zamanǵy telefon apparattary – 1928 jyly «Krasnaıa Zarıa» Lenıngrad zaýytynyń telefon qurylǵysy, ǵalym-geolog Q.Sátbaevtyń telefony, 1960 jylǵy dıskilik telefon jáne alǵashqy mobıldi qurylǵylar usynyldy. Baılanys quraldaryn damytýdaǵy naqty revolıýsııa kompıýterdiń jáne ǵalamtor jelisiniń paıda bolýymen baılanyysty ekendigin erekshe ekshep atap ótýge bolady. Mýzeılik sabaqta balalar mýzeı kolleksııalary mysalynda baılanystyń damý tarıhy týraly paıdaly ári tanymdyq aqparat alyp, onlaın-vıktorınalarǵa qatysyp, taqyryptyq suraqtarǵa jaýap bere alady.