Jyl basynan beri Astanada kásipkerler sany 6,5 paıyzǵa artty. Munyń ózi kásipkerler legine taǵy 178 305 adamnyń qosylǵanyn bildiredi.
Jyl basynan beri Astanada kásipkerler sany 6,5 paıyzǵa artty. Munyń ózi kásipkerler legine taǵy 178 305 adamnyń qosylǵanyn bildiredi.
Ońtústik Qazaqstan oblysy Sozaq aýdanynda múmkindigi shekteýli 15 otbasy baspanaly boldy. Saltanatty sharaǵa oblys ákiminiń orynbasary Erbol Sadyr men aýdan ákimi Amanǵalı Aımurzaev qatysyp, memleket saıasatynyń arqasynda áleýmettik máselelerdi sheshýge qazynadan qomaqty qarjy bólinip, el ıgiligi úshin kóptegen ońdy tirlikterdiń atqarylyp jatqanyn tilge tıek etti.
О́skemende endi balyq jármeńkesi ótkiziledi. Aldaǵy senbi kúni kerýen keretin bul sharaǵa oblys ákimi Berdibek Saparbaev bastamashy boldy. Osyǵan oraı qala basshylyǵy saýdaǵa jańa aýlanǵan balyqtarmen qatar, tiri forel men sazandardyń da shyǵarylatynyn aıtyp otyr. Munyń sońy balyq taǵamdarynyń konkýrsyna ulasady.
Qyzylorda qalasynda shaǵyn zaýyt ashyldy. Qalaǵa qarasty Aqsýat aýylynda jeke kásipker Ashat Nurseıitovtiń «Bıznestiń jol kartasy-2020» baǵdarlamasy aıasynda boı kótergen kásiporny qurylysqa qajetti 320 túrli tas ónimderin shyǵarady.
Pavlodar oblysynda ormandarǵa qyrǵaýyldy jersindirý jobasy júzege asty. Oblys ákimi Erlan Arynnyń bastamasymen qolǵa alynǵan sharaǵa saı Aqtoǵaı aýdany Jańa aýyl aýmaǵyndaǵy toǵaıǵa 50 dala qusy jiberildi. Ony «Jasyl el» stýdenttik qurylys jáne jastar jasaǵynyń oblystyq shtaby júrgizdi.
Jambyl oblysynyń Shý aýdanynda esirtki tasymaldaýshy qolǵa tústi. Osynda júrgizilgen jedel-izdestirý sharalary kezinde «Kókqaınar» shekaralyq beketinde toqtatylǵan kóliktegi 38 jastaǵy jolaýshynyń sporttyq sómkesinen 11 kılo marıhýana jáne 1 kıloǵa jýyq gashısh tabylǵan.
«QazAqparat», «Qazaqstan jańalyqtary»,
Bnews.kz, TengriNews, EgemenNews
habarlary boıynsha daıyndaldy.