Bas memlekettik sanıtar dáriger Aıjan Esmaǵambetovanyń jańa qaýlysyna sáıkes, demalys kúnderi birqatar nysannyń jumysyna tyıym salynady, - dep habarlaıdy Egemen.kz.
Qaýlyǵa sáıkes, demalys kúnderi qoǵamdyq kólik qozǵalysyn shekteý men 65 jastan asqan adamdardyń kóshege shyǵýyna tyıym salý ózgerissiz qala beredi. Al saýda-oıyn-saýyq ortalyqtary ondaǵy azyq-túlik sýpermarketteri men dárihanalardy qospaǵanda, saýda úıleriniń saýda jelileriniń jumysy toqtatylady. Azyq-túlik emes jáne azyq-túlik jabyq bazarlary jumysy istemeıdi.
Sondaı-aq sulýlyq salondarynyń, shashtarazdardyń, SPA ortalyqtarynyń, kosmetologııalyq qyzmet kórsetetin nysandardyń jumysy ýaqytsha toqtaıdy. Fıtnes-ortalyqtar men sporttyq-saýyqtyrý ortalyqtary, qoǵamdyq monshalar, saýnalar jumys istemeıdi. Balalar men eresekterge arnalǵan bilim berý ortalyqtarynyń, túzetý kabınetteriniń jumysy, ashyq aýada attraksıondardyń jumysy toqtata turý boıynsha shekteý sharalaryn engizý qamtamasyz etiledi.