Senat depýtaty Ǵumar Dúısembaev Atyraý oblysynyń Qurmanǵazy aýdanynda bolyp, 75 oryndyq jańa aýrýhananyń qurylysymen tanysty. Klınıkada 10 oryndyq ınfeksııalyq bólimshe, 10 oryndyq balalar bólimshesi, sonymen qatar as blogy, kir jýatyn oryn, medısınalyq qaldyqtardy kádege jaratýǵa arnalǵan polıgon bolady. Aýrýhananyń aınalasynda emdelýshilerdiń demalysy men qalpyna kelýine barlyq jaǵdaı jasalǵan.
Aýrýhanada tolyqqandy jáne joǵary mamandandyrylǵan medısınalyq kómek kórsetý úshin zamanaýı jabdyqtar ornatylady. Jobanyń quny shamamen 2,5 mlrd teńge. Senator Ǵumar Dúısembaev medısına qyzmetkerlerimen kezdesip, pasıentterdiń jaǵdaıy men densaýlyq saqtaý salasynyń problemalyq máselelerin talqylady.
Sondaı-aq, depýtat Atyraý-Astrahan avtokólik joly, Aqkól aýylyndaǵy 290 oryndyq balabaqsha, Qurmanǵazy-Birlik tas joly qurylysynyń sapasymen, Sharon ózeniniń túbin tereńdetý jumysymen jáne Hıýaz aýylyndaǵy mádenıet úıiniń jobasymen de tanysty.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.