ALǴYS AITADY

Memleket basshysy Nursultan Nazarbaevtyń atyna kóktemgi sý tasqynynan zardap shekken Almaty oblysy, Qyzylaǵash aýylynyń  qarııalarynan jedelhat keldi. Hat ıeleri eldiń aýyzbirshiligi arqasynda Qyzylaǵash aýylynyń qaıta salynyp jatqanyn, balala­ry­nyń jalaqysyn alatynyn, ne­me­relerine ıe bolyp qalǵan ózde­rine jergilikti ákimshiliktiń jatar oryn, azyq-túlik, kıim-keshekpen járdemdesip otyrǵanyn aıta kele, shynaıy rızashylyqtaryn jet­kizedi. “Qyzylaǵashymyzdy qaıta ómirge ákelip, denesine jan bitirip, tamyrlaryna qan júgirtip, jańadan baspana salyp jatqandarǵa kempir-shaldar atynan úlken alǵysy­myz­dy bildiremiz, Sizge zor densaýlyq, uzaq ǵumyr tileımiz. Elimizge ja­saǵan jaqsylyǵyńyz aldyńyzdan shyqsyn!” – dep Elbasyǵa tilek tilep, alǵys aıtady hat avtorlary. Sonymen qatar, Memleket bas­shysy Nursultan Nazarbaevtyń atyna Almaty oblysy, Eńbekshi­qa­zaq aýdany, Taldybulaq aýylynyń turǵyny Qalamqas Ospanovadan hat keldi. Hat ıesi Elbasyn alda kele jat­qan Uly Jeńistiń 65 jyldy­ǵymen, 70 jyldyq mereıtoıymen jáne elimizdiń EQYU-ǵa tóraǵa bolýymen quttyqtap, ıgi tilekterin bildiredi. “Sizdiń amandyǵyńyz – bizdiń basty baılyǵymyz. El úmitin, babalar amanatyn arqalaǵan ıyǵyńyz talmasyn!” dep jazǵan hat avtory Elbasyna uzaq ǵumyr, zor densaýlyq tileıdi.