• RUB:
    6.68
  • USD:
    520.93
  • EUR:
    609.07
Basty saıtqa ótý
Rýhanııat 18 Tamyz, 2020

Bódeneshi

1002 ret
kórsetildi

Baptap baqsań bódene de berekege keneltedi. Qostanaı qalasynyń turǵyny Saqtaǵan Baqbasov buǵan is júzinde kóz jetkizgen. Ol óz úıiniń aýlasynda bódene ósiredi.

Tabysy tasyp jatpasa da, paıdasyz emes. Eń bas­tysy, bódene asyraý úshin kóp oryn qajet emes eken. Máselen, Saqtaǵan úıiniń aýla­syndaǵy 10 sharshy metrge jetpeıtin jerde 400 qus ustap otyr. Ol bódeneden bir kúnde 100 shaqty jumyrtqa alady. Dúken sóresinen shubar qabyqty kishkentaı ǵana jumyrtqa kór­gen bolarsyz. Kólemi kádim­gi kep­terdiń jumyrt­qa­syndaı. Biraq baǵasy taýyq jumyrtqasynan da qymbat. Bódene jumyrtqasy – osy.

Saqtaǵannyń jubaıy – Álııa Baqbasova da bódene ju­myrt­qasynyń emdik q­asıetine áldeqashan kóz jetkizgen.

– Bul jumyrtqanyń shı­pasyn ózimiz de kórip-bi­lip otyrmyz. О́z basym kúnine ash qarynǵa shıkideı 3 ju­myrt­qadan iship otyramyn. Artynan sý ishemin. Osylaısha 4 aı iship, bir aı úzi­lis jasaı­myn. Sodan keıin taǵy 4 aı jalǵastyrýǵa bolady. Osy­nyń arqasynda gastrıt aýrýynan qulan taza aıy­ǵyp kettim. Qan qysymym da qa­lypqa keldi. Qysta tumaý-syrqaý degendi bilmeımin. О́ıt­­keni bódene jumyrtqasyn ishken adamnyń ımmýnıteti myq­ty bolady. Jumyrtqa psı­­hıkalyq kúızeliske túsken adam­dar úshin de paıdaly. Júı­ke­ni qalypqa keltiredi, – deıdi ol.

Judyryqtaı qustyń ju­myrt­qasy men etiniń myń túrli dertke daýa ekenin jaqsy biletin Saqtaǵan osydan 4 jyl buryn Reseıge baryp, Qorǵan qalasynan 20 shaqty ba­lapan satyp alǵan. Oǵan edeni gazben jylytylatyn arnaıy qus qora saldy. Aıadaı ǵana qoranyń ishindegi aýa temperatýrasy kúni-túni bir qalypta. Jeldetkish jumys istep tur. Bódeneler 20 shaqty tor úıshikke bólingen. Oǵan sý avtomatty túrde keledi.

– Bódene óte aqyldy qus. О́zderi úırenip alǵan. My­naý shúmekti tumsyǵymen shoqyp sý ishe beredi. Kádimgi qol­jýǵysh­tyń shúmegi sııaqty. Bó­dene tumsyǵymen kó­terip qalsa, sý tamshylaıdy. Alda­ryndaǵy jemsalǵyshty qol­dan jasadym. Tańerteń bir, keshke bir ret jarty shelek­ten jem beremin. Bódene kú­timi kóp ýaqyt almaıdy. Bir qus táýligine bir jumyrtqa be­redi. О́zimizden artylǵanyn kórshi-kólem, tanys-jaqyndar men týys-týǵandar alady. Bódeneniń eti de asa dámdi ári paı­daly. Asyp, qýyryp, káýap jasap, qaqtap ta jeımiz. Jazda qus sany 1000-ǵa jýyqtaıdy. Tapsyrys berip, et, jumyrtqa satyp ala­tyn­dar kó­beıip keledi, – deıdi Saqtaǵan Baqbasov.

Saqtaǵan oblys ortaly­ǵyn­­daǵy «Qarlyǵash» ba­la­baq­shasynda ǵımarat kú­tý­­shisi bolyp jumys isteı­di. Bala­baqshanyń búkil jı­ha­zy men esik-terezesiniń bú­tin­digi osy kisiniń moınynda. Ol bó­deneni tabys tabý úshin us­tap otyrǵan joq. Bul onyń ju­mystan tys ýaqytta alda­natyn ermegi. О́zine unaı­dy. Son­dyqtan aldaǵy ýa­qytta ká­sipkerlikti qol­daý meke­meleri arqyly shaǵyn nesıe alyp, bódene sanyn kóbeı­týdi kóz­deıdi.

 

QOSTANAI