Tarıhı nysandar tabyldy

– Bul jádigerler elimiz arheologııasy úshin tyń ja­ńalyq. Ásirese Tákııa qaq­pasy mańynan tabylǵan kerýen saraıda: baǵaly zattar saqtaıtyn qabyrǵa qýys­ta­ry, kerýenshiler jatatyn oryn, namazhana, «múrıchá» dep atalatyn shaǵyn monsha orny anyqtaldy. Kólemi 35-40 metrge jýyq bul nysandy «Tákııa Kerýen saraıy» dep atadyq, – deıdi «Áziret Sultan» memlekettik tarıhı-mádenı qoryq-mýzeıiniń ǵy­lymı qyzmetkeri, arheolog Marat Tuıaqbaev myrza.

Sonymen qatar uzyndyǵy 40 metrden asatyn aýlasy ekige bólingen, ıaǵnı uldar men qyz­darǵa arnalǵan mek­tep-medrese orny men kera­mıkalyq óndiris oshaǵynyń tabylýy da sensasııaǵa balanýda.

«Mundaı qysh buıym­daryn shyǵaratyn úlken seh alǵash ret tabylyp otyr. Bul arada úlken kólemde ártúrli ydys-aıaq jasalyp, kirpish kúıdirilgen. Qazba kezinde saz ıleıtin apan, buıymdy qyzdyryp, keptiretin jer, saqtaıtyn oryn bári naq­tylandy. Sonymen qatar bir­neshe bólmeden turatyn monsha qurylysynyń sý rezervýary jáne emdik tunbalar daıyn­daıtyn vanna sııaqty ydys jaqsy saqtalǵan. Sonymen qatar  Iаsaýı kesenesi men Jeti ata qaqpasyna deıingi magıs­traldy kóshede de zertteý jumystary júrgizilip, han me­­shiti janynan handar na­maz oqıtyn «Mahsýra» ból­­mesi, munaralar, qonaq qabyl­daıtyn «Málzel» ból­mesi anyqtaldy. Bul nysan­dar XV-XVI ǵasyrlarǵa tıe­sili qu­rylys muralary» deı­di Qazaq ǵylymı-zertteý mádenıet ıns­tıtýtynyń qyz­metkeri, arheolog Erlan Qazızov.

«Áziret Sultan» memle­kettik tarıhı-mádenı qo­ryq-mýzeıi­niń dırektory Nurbolat Ahmet­janovtyń aıtýyna qara­ǵanda, magıs­traldy kóshe boıynan ta­bylǵan han ordasy men me­shit arheologııa úshin tyń jańalyq eken. Sondyqtan qalǵan jumys aldaǵy ýaqytta laboratorııada jalǵaspaq. Ondaǵy maqsat – jańadan tabylǵan jádigerlerdi ǵy­lymı turǵydan zerttep, tarıhı muralardy qoryq-mýzeıge tapsyrýǵa daıyndyq sharasyn qarastyrý kórinedi. De­mek, alda atqarylatyn zertteý jumystary kezinde nebir jumbaqtardyń beti ashylary anyq.