Endi atyn, tegin, ákesiniń atyn ózgertý týraly kýálikke onlaın túrde ótinish berip, qujatqa ońaı qol jetkizýge bolady, dep habarlaıdy Egemen.kz.
Ol úshin Egov.kz portalyna kirińiz;Izdeý joly arqyly "Atyn, tegin, ákesiniń atyn ózgertý týraly kýálikti qaıtalap alýǵa ótinish berý" qyzmetin tabyńyz;Qyzmetti onlaın suratyńyz;Aty-jónińiz, tegińiz jaıly aqparatty tolyqtaı jazyp shyǵyńyz;Aty-jónińizdegi ózgerister jaıly jazbalar tirkelgen AHAT bólimi jáne daıyn qujatty alatyn HQO mekenjaıy týraly derekterdi portalǵa engizińiz;Ekinshi qadamda qyzmet úshin memlekettik BAJ salyǵyn tóleńiz;Úshinshi qadamda tólem mártebesi jaıly aqparatty "jańartý" arqyly portalǵa shyǵaryńyz;Tórtinshi qadamda ESQ arqyly ótinishke qol qoıyńyz;Qyzmettiń nátıjesin jeke kabınetińizdegi qyzmetter tarıhynan kóre alasyz. Qyzmet quny 1 aılyq eseptik kórsetkish. Qyzmet AKT jazbalary suraýynyń oryndalýyna qaraı 30 kúntizbelik kúnge deıin sozylýy múmkin.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.