Oblystyq polısııa departamentiniń málimetinshe, aımaqqa Qap taýynyń baýraıynan barlyǵy 763 avtokólik ákelinipti. Onyń 450-i qaıta tirkeýden ótýi tıis, - dep habarlaıdy Egemen.kz .
"Búginge deıin Armenııadan ákelingen 255 kólik quraly tirkeldi. Tirkeýge turǵan avtokólikter Qazaqstan aýmaǵynda, sondaı-aq odan tys jerlerde erkin júrip, zańdy túrde jyl saıynǵy tehnıkalyq tekserýden óte alady, sondaı-aq kólikke salynatyn jol salyǵy úshin tólem jasaı alady. Kólikti ýaqytsha tirkeý máseleleri boıynsha «jedel jeli» telefonyna 500-den astam azamat júgindi. Qazir polısııa qyzmetkerleri túsindirý jumystaryn júrgizip jatyr. Mashınalardy tirkeý úshin úsh túrli tólem jasaý qajet: tirkeý úshin alym - 695 teńge, tehnıkalyq pasporttyń bajy - 3 473 teńge jáne memlekettik nómirge tólenetin baj - 7 778 teńge. Tólemniń jalpy somasy shamamen 12 myń teńge bolady, - dedi oblystyq polısııa departamenti bastyǵynyń birinshi orynbasary polısııa polkovnıgi Nyǵmet Ismaǵulov.
Qostanaılyq kásipker Myrzahan Seıitjanov Armenııadan 3 avtokólik aıdap ákelipti. Bireýin ózi minip, ekeýin áıeli men qyzyna berip qoıǵan. – Bul kólikter maǵan arzan tústi. Quny naryq baǵasynan tómen. Úkimettiń Qaýylysy shyǵa salysymen, eldiń aldy bolyp tirkeýge qoıdym. 3 mashınany qosqanda barlyǵy 36 myń teńge tóledim. Endi erkin júre berýge bolady. tirkelý merzimi de aıaqtalyp qaldy. Ekinshi ret mundaı múmkindik týmaıdy, - dedi M. Seıitjanov.
Armenııadan ákelingen kólik quraldaryn tirkeý merzimi 1 qyrkúıekte aıaqtalady. Kólik quraly tirkeýden ótpegen jaǵdaıda ıesi QR ÁQBtK-niń 590-babynyń 2-bóligi boıynsha kóligin aıyppul turaǵyna qoıyp, ózi ákimshilik jaýapkershilikke tartylady. Tirkelý merzimi uzartylmaıdy.
Qostanaı oblysy