Ekologııa, geologııa jáne tabıǵı resýrstar mınıstrliginiń Shyǵys Qazaqstan oblysy boıynsha Orman sharýashylyǵy jáne janýarlar dúnıesi aýmaqtyq ınspeksııasy hanbalyq ósiretin sharýashylyqtarynyń jumysyn qatań baqylaýda.
2006 jyldan bastap balyq resýrstaryn paıdalanýdy retteý uzaq merzimdi (5 jyldan 49 jylǵa deıin) kelisimsharty boıynsha paıdalanýshylarǵa balyq sharýashylyǵy sý aıdyndaryn (ýchaskelerin) uzaq merzimge bekitip berý arqyly óńirdegi balyq ósirýshi sharýa qojalyqtary óz kásibin dóńgeletip, mınıstrlik aldyndaǵy mindettemelerin tolyǵymen oryndap otyr. Orman sharýashylyǵy jáne janýarlar dúnıesi aýmaqtyq ınspeksııasynyń mamandary sý aıdyndaryn paıdalanýǵa alǵan sharýalardyń mıllerıasııalyq jumystardy júrgizýin, jaǵajaılardy taza ustaýyn, bıznes sýbektilerine berilgen aýmaq qoryqshylarymen qorǵalýyn, qysqy ýaqytta muz astyndaǵy balyqtarǵa aýa ótkizý tútikshelerin ornatýyn, ruqsat etilgen mólsherden artyq balyq aýlamaýyn jáne eń bastysy aýlanǵan balyq kólemine baılanysty jyl saıyn jańa shabaqtardy sýǵa jiberýlerin qadaǵalap otyrady.
2020 jylǵy 25 shildedegi jaǵdaı boıynsha Shyǵys Qazaqstan oblysynyń balyq sharýashylyǵy sý aıdyndarynda halyqaralyq jáne respýblıkalyq mańyzy bar 60 ýchaske bar. Onyń 24-i bekitilip berilgen jáne sonymen qatar jergilikti mańyzy bar 96 sý aıdyny bar, onyń 27-si 22 paıdalanýshyǵa bekitilip berilgen.
Qazir О́skemen qalasynyń irgesinde hanbalyqty (forel) sharbaqta ósiretin qojalyqtardyń da jumysy qarqyn alyp keledi. О́ńirdegi eki kásiporyn Qazaqstan halqyn hanbalyqpen qamtamasyz etip otyr. Sondaı-aq sharýa qojalyqtary adamdardyń ekomádenıetin qalyptastyrý úshin sporttyq balyq aýlaý oryndaryn ashqan. Bul birinshi kezekte adamdar jappaı tyıym salynǵan aýmen balyq aýlaýdy toqtatý úshin jasalsa, ekinshi jaǵynan demalysty tıimdi ári qyzyqty ótkizý úshin qolǵa alynyp otyr.
Hanbalyqty sharbaqta ósirýmen aınalysatyn birinshi qojalyq 2020 jyldyń sáýir aıynda 300 myń dana kókshubar (rıpýs) shabaǵy, salmaǵy 0,003 gramm bolatyn 300 myń dana paıdabalyq (pelıad) shabaǵyn balyqtandyrý jumystaryn júrgizdi. 2030 jylǵa deıin balyq ónimderi kólemin jylyna 1200 tonnaǵa jetkizý josparlanyp otyr. Bul – 2,16 mlrd teńge. 2019 jyly albyrt balyq túrleri óndirisiniń kólemi 54,2 tonnany quraǵan. 2020 jylǵy 15 aqpannan bastap 2020 jylǵy 1 shilde aralyǵynda kásipshilik balyq aýlaý lımıti 1,833 tonnany quraıdy, onyń ishinde «GrandFısh» JShS-pen birinshi jartyjyldyqta ıgerilýi 1, 833 tonnany quraıdy.
Al hanbalyqty sharbaqta ósirýmen aınalysatyn ekinshi qojalyqta bıylǵy birinshi jartyjyldyqta Damý jospary boıynsha oryndalý 76994,2 myń teńgeni qurady. II toqsanda sharbaqtar satyp alý josparlanǵan. Jaǵalaý ınfraqurylymyn qurý jáne sporttyq balyq aýlaýdy uıymdastyrý úshin 1 mln 500 myń teńge somaǵa kúrke qurastyrylyp, paıdalanýǵa berildi. О́ziniń jeke ınkýbasııalyq sehy bar. Onda óz kúshterimen ınkýbasııalyq kezeńnen ótkizedi jáne ósiredi. Aǵymdaǵy jyldyń 1-toqsanynda hanbalyqtyń 300 myń dana ýyldyryǵy satyp alyndy jáne ınkýbasııalyq kezeńnen oıdaǵydaı ótkizildi. Ýyldyryq satyp alýǵa jumsalǵan soma 2 mln 310 myń teńge. Balyqqa arnalǵan azyq satyp alýǵa jumsalǵan soma – 11 mln 795,3 myń teńge.
Ertis sý basseıni elimizdegi balyq sharýashylyǵy basseınderiniń ishinde kólemi boıynsha úshinshi orynǵa ıe. Balyq sharýashylyǵyn damytýǵa balyq sharýashylyǵy sý aıdyndarynyń qomaqty qory jáne ondaǵy balyq qory negiz bolady. Bul balyq sharýashylyǵy sý aıdyndarynyń qataryna Jaısan (Zaısan) kóli, Buqtyrma sý qoımasy, Shúlbi sý qoımasy, О́skemen sý qoımasy, oblys sheginde Ertis ózeni, oblys boıynsha jergilikti mańyzy bar sý aıdyndary, oblys shegindegi Alakól kólderi.