Jemqorlyq táýekelderin joıý máselesi qozǵaldy

Sybaılas jemqorlyqqa qar­sy qyzmet sý resýrstary, eko­logııalyq retteý jáne baqylaý, sondaı-aq orman sharýashyly­ǵy men janýarlar dúnıesi komı­tet­teriniń qyzmetindegi sybaılas jemqorlyq táýekelderine syrtqy taldaý júrgizdi. «Biz sybaılas jem­qorlyqtyń sebepteri men jaǵ­­daılaryn joıý boıynsha naqty usynystar tizbegin usyn­dyq. Alaıda olardy iske asyrý­dyń tabystylyǵy te­reń, ári derbes ishki taldaýdy qa­jet etedi. Bul memlekettik or­gan­dar úshin aksıomaǵa aına­lýy tıis. Máselen, árkim óz olqy­lyqtaryn basqalarǵa qaraǵanda jaqsy biledi», dedi agenttik tór­aǵasynyń birinshi orynbasary O.Bektenov.

Sý resýrstary komıteti men onyń vedomstvolyq ba­ǵy­nysh­ty mekemeleriniń uıym­das­ty­rýshylyq-basqarýshylyq qyz­­metine erekshe nazar aýda­ryl­dy. Atap aıtqanda, sý sharýa­shylyǵy, memlekettik satyp alý, baqylaý fýnksııalary men personaldy basqarýda bıýdjettik ınvestısııalyq jobalardy iske asyrý máseleleri. Ekologııalyq retteý jáne baqylaý, orman sha­rýashylyǵy jáne janýarlar dú­nıesi komıtetterinde táýe­kel­derdi tekserý is-sharalary ke­zeńderi men biryńǵaı tásilderdi qamtamasyz etýde zııandy óteý já­ne buzýshylyqtardy joıý týraly nusqamalar belgilengen.

Agenttik ákimshilik tájirıbeni retke keltirýdi usyndy, ol búginde tájirıbelik iske asyrýdaǵy ár­túr­liligimen sıpattalady, ıaǵnı, birdeı áreketter úshin ártúrli sanksııalar qoldanylady, al aıyp­pul keltirilgen zalalǵa sáı­kes kelmeıdi. Usynystardy iske asyrý aıasynda mınıstrlik mem­lekettik ekologııalyq baqy­laý júrgizý tártibiniń merzim­de­ri, zalaldy belgileý jáne esep­teý tártibi, anyqtalǵan buzýshy­lyqtardy joıýǵa uıǵarym jasaý jáne jiberý bóliginde erejesin ázirledi.

Ekologııa, geo­logııa já­­­ne ta­­­­bıǵı resýrstar mı­nıs­tri M.Myr­­­­­­­zaǵalıev vedom­st­vo qyz­­met­­­­­ker­lerine trans­­pa­rent­ti­lik qa­ǵı­­­­dat­taryn saq­­taý jáne nor­ma­lardy túsin­dirýde kez kelgen ekijaqtylyqty boldyr­maıtyn naqty rásimderdi bel­gileý arqyly ǵana ekologııa sa­la­syndaǵy sybaılas jem­qor­lyq­qa qarsy is-qımylda naq­ty nátıjelerge qol jetkizýge bola­tynyn atap ótti.