Astyq satýdy jalǵastyrýda

Ishki naryqtyń astyqqa qajet­tiligin qamtamasyz etý maqsatynda 2020 jylǵy egin túskenge deıin «Azyq-túlik kelisimshart korporasııasy» UK» AQ bıylǵy 1 sáýirden bastap un tartatyn kásiporyndar men qus ósirý sharýashylyqtaryna 3 jáne 4 synypty jumsaq bıdaıdy satýda.

Búginde atalǵan AО́K sýbek­tilerine Azyq-túlik kelisimshart korporasııasynyń 90 myń tonnadan astam astyǵy, onyń ishinde Aqmola, Almaty, Shyǵys Qazaqstan, Qa­raǵandy, Qostanaı, Soltústik Qazaq­stan oblystarynyń un tar­tatyn mekemelerine – 65,6 myń tonna; Shymkent qalasy, Aqmo­la, Aqtóbe, Almaty, Shyǵys Qa­zaqstan, Batys Qazaqstan, Qa­ra­ǵandy oblystarynyń qus sharýa­shy­lyqtaryna 24,8 myń tonna jó­neltildi.

Astyqty satý «Eýrazııalyq saýda júıesi» taýar bırjasy» AQ arqyly un tartý jáne qus sha­rýashylyǵy kásiporyndaryna arnalǵan saýda-sattyq úshin arnaıy qurylǵan seksııadaǵy qosarlanǵan qarsy aýksıondar rejiminde júzege asyrylady. Astyqty bosatýdy Azyq-túlik kelisimshart korpora­sııa­sy ýákilettik bergen astyq qa­byldaý kásiporyndary júrgizedi.

Ishki naryqta kepildi jet­kizý maqsatynda Azyq-túlik kelisim­shart korporasııasy un tartatyn kásiporyndar men qus sharýa­shy­­lyqtaryna astyq satýdy toqtat­paýdy josparlap otyr.

Áleýetti satyp alýshylardyń saýal­­dary bolsa Azyq-túlik keli­sim­­shart korporasııasynyń qyzmet­ker­leri «Eýrazııalyq saýda júıesi» taýar bırjasy» AQ saýda sharttary men erejelerin túsindirýge daıyn.