Halyqaralyq áıelder tennıs qaýymdastyǵy naýryz aıynan keıin birinshi ret sportshylardyń álemdik reıtıngin jańartty. Pandemııaǵa deıingi jarystarda táýir nátıje kórsetip júrgen eki otandasymyz reıtıngtegi ornyn saqtap qaldy.
Álemniń eń úzdik tennısshileriniń alǵashqy úshtiginde esh ózgeris joq. Naýryz aıyna deıin reıtıng kóshin bastap kelgen aýstralııalyq Eshlı Bartı óz ornynda qaldy. Odan keıingi orynda rýmynııalyq Sımona Halep jáne cheh sportshysy Karolına Plıshkova tur.
Qazaqstannyń birinshi jáne ekinshi raketkasy Elena Rybakına men Iýlııa Pýtınseva da burynǵy oryndaryn saqtap qaldy. Rybakına 17, Pýtınseva 33-orynǵa jaıǵasqan. Al Zarına Dıas eki satyǵa tómendep, 66-orynǵa turaqtady. Sondaı-aq juptasyp óner kórsetý básekesinde Qazaqstan ókili Galına Voskoboeva 61-orynnan 62-orynǵa, Anna Danılına – 126-orynǵa (-1), Pýtınseva – 171-orynǵa (-1) syrǵydy.