Qazaly aýdanaralyq aýrýhanasynyń juqpaly aýrýlar bólimindegi sońǵy naýqas emdelip shyǵyp, provızorlyq stasıonar jabyldy, - dep habarlaıdy Egemen.kz.
Júz oryndyq bul ortalyq osydan 5 aı buryn ashylǵan. Indet órshigen kezde aq halatty abzal jandar kúni-túni kóz ilmeı eńbek etip, naýqastardyń ómirine arasha boldy.
"Sońǵy ýaqyttyń ishinde stasıonarǵa koronavırýs, pnevmonııa dertimen naýqastar túsken joq. Búgin mundaǵy sońǵy naýqastardy shyǵaryp, provızorlyq stasıonardy japtyq. Endi bul jerlerge dezınfeksııa jumystary júrgizilip, juqpaly aýrýlar bólimi halyqqa qalypty jaǵdaıda qyzmet kórsetetin bolady", – deıdi Qazaly aýdanaralyq aýrýhanasynyń bas dárigeri Baqytgúl Álisheva.
Dárigerler provızorlyq stasıonarda em alyp, úıine asyqqan sońǵy naýqasty qurmet kórsetip shyǵaryp saldy. Emdelip shyqqan azamattar aldyńǵy shepte júrgen dárigerlerge alǵysyn bildirip, qoldaý sharalaryn tanytqan azamattarǵa rızashylyǵyn bildirdi.
Buǵan deıin aýdandaǵy Qazaly temirjol aýrýhanasyndaǵy provızorlyq stasıonar da jabylyp, qalypty jaǵdaıda jumys isteýdi bastap ketti.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.