Demokratııalyq partııa sezinde Djo Baıden resmı túrde AQSh prezıdenttigine kandıdat boldy, - dep habarlaıdy Egemen.kz VVS agenttigine silteme jasap.
Belgili bolǵandaı, Djo Baıdenniń kandıdatýrasyn qoldaýshylardyń arasynda AQSh-tyń eks-prezıdentteri Bıl Klınton, Djımmı Karter jáne AQSh-tyń vıse-memlekettik hatshysy Kolın Paýell bar.
Aıta keteıik, Djo Baıden AQSh prezıdenttigine kandıdatýrasyn osymen úshinshi ret usynyp otyr. Buǵan deıin ol 1988 jáne 2008 jyldary usynylǵan edi.
Al AQSh-tyń qazirgi prezıdenti Donald Tramp saılaýaldy naýqany júrgizilip otyrǵan Arızona shtatynda júr. Saýalnamaǵa sáıkes, Baıden Tramptan ozyp keledi, alaıda D.Tramp sońǵy apta qorytyndylary boıynsha kóshbasshylyqqa jaqyndaı túsken.
Eske sala keteıik, demokrattar partııasynyń sezi osy aptada koronavırýs pandemııasyna baılanysty onlaın formatta ótedi. Onda AQSh senatory Kamala Harrıs, Hılları Klınton jáne AQSh-tyń burynǵy prezıdenti Barak Obamanyń sóz sóıleýi josparlanyp otyr.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.