Qazaqstandyq «Astana» velokomandasynyń reseılik shabandozy Aleksandr Vlasov bir kúndik «Djıro d’Emılııa» jarysynda bas júldeni oljalady.
1909 jyldan beri uıymdastyrylyp kele jatqan áıgili velojarys jyl saıyn Emılııa-Romanıa baǵytymen bastalyp, Bolonıa qalasynda máresine jetedi. «Djıro d’Emılııa» Italııadaǵy eń bedeldi jarystardyń biri sanalatyn doda 2005 jyldan bastap UCI eýropalyq týrynyń kúntizbesine engen.
199,7 shaqyrymǵa sozylǵan bıylǵy jarysta «Astana» ókili Aleksandr Vlasov jeńimpaz atandy. Bir qyzyǵy, buǵan deıin bul týrnırde «Astananyń» birde-bir ókili jeńiske jetpegen. Ekinshi oryndy portýgalııalyq Joaý Almeıda (Deceuninck-Quick Step) ıelense, úzdik úshtikti ıtalııalyq veloshabandoz Dıego Ýlıssı (UAE) túıindedi. Al «Astananyń» danııalyq kapıtany Iаkob Fýlsang máre syzyǵyn besinshi bolyp kesti.
Aıta keteıik, 24 jastaǵy Vlasov buǵan deıin Fransııa tas jolynda ótken bir kúndik «Mon Vantý Chellendj» jarysynda da aldyna jan salmaǵan edi.